2020年5月14日星期四

【支持領養】捧囡囡RABU做網紅　吳業坤宣佈做「貓奴」 #吳業坤

【支持領養】捧囡囡RABU做網紅　吳業坤宣佈做「貓奴」

坤哥昨晚於Instagram宣佈做「貓奴」了！

吳業坤（坤哥）昨晚於Instagram（Ig）正式宣佈做「貓奴」了！他留言：「細個一直好想養寵物，無奈屋企同經濟環境唔許可，到出嚟做嘢陣又無時間同精力，之前終於下定決心去領養，多謝咁多朋友去幫手同介紹，仲有SPCA嘅同事非常細心協助，本身諗住返到嚟等佢定啲熟啲先同大家見面，點知佢仲厚面皮過我，第一日就唔客氣當咗自己屋企。好！我會努力去做一個好主人（？）佢自己改咗個名叫ラブ，讀法係RABU（啦呠），係日文入面解Love（扮晒嘢）#ngyipcat #領養代替購買」並上載了多張初生「主子」RABU的玉照，一眾網民及圈中好友龔嘉欣、梁麗翹等也紛紛叫他做個好爸爸。其後，坤哥仲好快幫RABU建立咗自己的Ig帳戶，看來他想捧囡囡做網紅，等自己做「星爸」喎！

此外，一向是愛狗之人的江美儀上月中亦自爆做埋「鏟屎官」，她於Ig留言：「從來都唔鍾意貓嘅我，終於墮入情網，領養了一位新成員，佢就係Tasha啦（其實我都未知佢係男定女），而家我連中3T哈哈！」後來看過醫生後，美儀公佈：「係女仔嚟㗎！」日前，她還替Princess Tasha買了個公主帳幕牀，非常豪華，又笑謂：「公主是這樣練成的。」真係寵到貓B上天！