現年43歲的大台藝人陳山聰上年11月與拍拖5年的圈外女友Apple成婚，今年情人節陳山聰於IG宣佈太太懷孕，而今日，山聰就於IG再次公佈好消息，囝囝Jaco順利出世同爸爸見面喇！
山聰今日於IG貼出一家三口的合照並寫上一大堆hashtag：「人生馬拉松中最美麗的畫面，感恩 #daddy希望你成為一個充滿正能量健康快樂頂天立地的男子漢 #Chan’sfamily #一家三口 #Jaco #AJboy #陳山窿2.0 #陳爸 #父子 #感謝太太付出的一切 #母愛的偉大 #感謝倪淑慧醫生10個月來的悉心照顧 #感謝產房及28樓的護士姐姐 #感謝我表哥表嫂 #感謝家人兄弟姊妹祝福 #感謝豹哥嫂為Jaco改咗個咁cool嘅英文名 #人生馬拉松 #新的一頁 #享受當下」
陳山聰於2010年曾宣佈與前妻離婚斬斷10年情，翌年戀上賭王三房之女何超雲，可惜2年後分手收場，2013年重新上路回巢大台拍劇，最近幾年劇接劇密密拍，於人才盡失的大台如魚得水。山聰今日回覆傳媒時說：「多謝晒傳媒一路以嚟嘅祝福，好開心迎接新生命，囝囝叫Jaco仔，個名係豹哥豹嫂（單立文和胡蓓蔚）改嘅，母子平安，好感恩，BB同太太都已返屋企，照顧佢哋好忙呀。」
陳敏之也祝福契哥生B，她今日回覆傳媒時說：「我們家有喜事！可喜可賀！祝福『小蒜頭』身體健康！快高長大！聽教聽話！之前探了侄仔，好靚仔。」陳敏之今日在FB貼出跟陳山聰及伍詠薇跳舞相，她留言：「冇嘢開心得過同家姐阿哥跳開心舞。」估計她跟伍姑娘去了山聰家探BB。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
