今日有報道指無綫為防黃心穎偷食人夫事件等醜聞重演，令無綫招致損失，所以在藝人新合約上加辣，增加一項條款，若藝人因個人行為及言論，包括政治立場等令無綫蒙受不必要損失，涉事藝人將要承擔一切責任及賠償，即是要由藝人來負責所有後果。由於無綫過去一年不斷打壓力撐反送中台前幕後、禁止員工發聲，包括鄭敬基去年疑因參與遊行、公開支持示威者而不獲無綫續約，無綫此舉無礙是力阻藝人發聲。
《蘋果》今日致電鄭敬基，問他對無綫合約加辣睇法時，鄭敬基直指「離晒大譜」，他說：「好可惜聽到呢個消息，喺香港咁耐歷史嘅娛樂機構，加上咗前所未有嘅白色恐怖，掉返轉當公司令藝人蒙上損失，失去人身自由、言論自由，呢個係基本法賦予畀所有人。無綫咁做，係咪可以清楚訂明畀啲藝人聽，乜嘢叫做言論危害公司，令公司蒙受損失？或者要自己負上所有損失，損失又點樣計算呢？無綫咁做又有冇違返電視條例呢？TVB咁多年咁有福氣入到人哋屋企，而你令到件事咁政治化，香港觀眾係有唔同嘅政治光譜㗎嘛，咁做已經係違反咗政治中立，我懷疑將會有好大量演員不續約潮會發生。」
鄭敬基質疑是否新聞報導員也要加入該條款，認為若然加入的話，新聞報導會變得更不中肯，令更加多人罷看無綫新聞。
鄭敬基認為要請演藝人協會與TVB聯絡，了解相關條款是否有問題，又指商務及經濟發展局局長邱騰華局長亦應該了解，他說：「無綫係受到監管嘅一個機構，裏邊嘅藝人唔可以自由地表達時，我就覺得佢哋（TVB）係犯咗廣播條例。我會呼籲嗰啲香港專才計劃嘅國家，將個專才extend埋比香港藝人，因為藝人受到政治打壓。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
