5年冇一齊拍MV好鬼嘈 太極重組翻唱《留住我吧》
太極早前合體拍攝MV，為今年演唱會打響頭炮，眾人重新演繹《留住我吧》，結他手劉賢德謂曲風配會更「有型」，希望為港人打氣：「因為疫情大家呢半年都好困擾啦，所以今次曲風會比較多爵士樂，感覺會輕快啲，而且我哋呢班中佬都開始年紀大，唱Jazz感覺會型啲！」
Gary（唐奕聰）指太極欠缺Band Leader，提議即場投票，他被隊友一致推薦當選，說：「我其實都唔知會發生咩事，淨係知道今日嚟拍MV，但聽講年尾有個大搞作，冇咩所謂啦，大家埋位就會搞得成㗎話時話我哋都5年冇一齊拍MV，今次難得聚埋，搞到現場好嘈，因為成班人都鍾意講嘢，但永遠自己有自己講，唔理人㗎！」
主音雷有輝（Patrick）透露，太極將12月舉行大型個唱，其個人演唱會亦是由年底個唱演衍生出來：「冇12月太極騷，就冇8月我個人音樂會，佢哋想我打頭陣，同Fans熱吓身！頭先Joey（鄧建明）訪問話叫人留錢買12月個騷，呢個兄弟衰到呢，所以8月個唱我會拉埋佢落水，做我演唱會音樂總監，費事佢亂講嘢！」
Joey表示年底太極騷圓夢，希望飲住酒開騷：「因為西九舉行戶外騷，大家睇住個日落，飲番兩杯聽我哋唱歌，個氣氛一定正！我哋四面台又做過，紅館又做過，今次終於可以成萬人陪我哋睇日落，希望唔會唱唱吓飲醉咗」
來源 source: http://hd.stheadline.com
|
鍾意就快D Share啦！
|
|
|
