歌手麥德羅確診武漢肺炎，今早出現呼吸困難，現時仍在醫院隔離病房接受治療。有指麥德羅在15日(周三)開始感到身體不適，而他在7月4日到尖沙嘴出席友人飯敍，即在病發的14日內潛伏期間，曾與吳卓羲、謝天華、蔡一傑、高鈞賢、Joey Tang鄧建明和Mango王秀琳等藝人同場，席間眾人未有戴上口罩，還被指飲酒唱K直落3個鐘，如今一人中招，即令圈中人人自危。
高鈞賢今日接受《蘋果》訪問表示準備明天去做深喉測試，他透露當晚與麥德羅並非同枱食飯，大家相隔頗遠，他說：「都隔得遠嘅，臨走時都有戴住口罩見面。雖然我冇咩病徵，但都好到好多朋友關心，所以我諗住聽日去做個檢查，為所有人同自己都安全啲。」而謝天華回覆傳媒時表示沒有病徵。
至於蔡一傑則說：「我睇到段新聞都抓晒頭，事緣係前寶麗金同事生日，我晚上七點就去坐咗一陣間祝賀下畀封利是佢，八點走時見到吳卓羲入嚟，大家開開心心影咗張相我就走嘞，完全冇見過麥德羅同Joey Tang。多謝大家關心，我日日做運動身體健康，最近我都好少出街，得閒就諗下《傑少煮意》有乜新菜式，疫情嚴重大家都要好好保護自己，少啲出街留喺屋企食飯加油！」
Joey Tang鄧建明昨晚表示會進行病毒檢測，《蘋果》今日問他可有檢測結果時，他說：「要星期二先有，因為我醫生診所閂咗門，我打畀佢，佢問咗我啲病徵同日期，覺得應該冇乜事嘅，我冇病徵，我聽朝會去留（深喉唾液樣本），後日星期二會有結果，呢兩日我除咗去診所都唔出街㗎啦。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|