52歲麥長青（麥包）近日疫巿開店，在大坑賣和牛，由於香港爆出疫情第三波，社區大爆發，每天都雙位數字確診，政府勒令食肆由7月15日開始暫停晚6朝5堂食，巿民醫肚只能買外賣或自己動手下廚。麥包吼準時機開店，非常有商機。有做生意經驗的他深明力不到不為財，有空就到店中坐鎮，麥包的女兒因為疫情未能返澳洲讀書，所以囡囡及太太都會輪流返去幫手，一家人齊心出力。
拍攝當日，麥包駕駛他的平治四驅車返回大坑新店，由於當日街上車多，他到後找不到錶位，就違規把半邊車泊上礐，然後就走入店舖巡視業務，剛好女兒也到店中幫忙，他們正好父女檔招客。麥包經過隔鄰店舖，他都友善跟街坊打招呼，麥包凡事親力親為，他進店後即拿着抹布清潔貨架，又檢視凍櫃的食物，囡囡則負責收銀，兩父女分工合作，很有默契。麥包今日回覆《蘋果》時說：「間店係新開，我哋試業中。因為店舖都租咗，貨又到，唔想白交租。老婆同囡囡都嚟幫手運作，嚟緊仲會搞埋網購。」據知新店斥資約6位數字，麥包表示跟朋友合股，他續說：「咁啱朋友搞開日本餐廳，有來貨，朋友見我之前蝕錢，朋友畀機會我，得我自己邊有咁叻。自農曆年開始爆發疫情，大家慣咗返屋企煮嘢食，街巿生意多咗。我哋呢行有幾多套戲開，冇乜嘢做，一直停到而家，都要諗計！」麥包動員妻女幫手，節省開支，他說：「係呀，同心做事情，齊心就事成。」麥包講到違規泊車即尷尬說：「嗰日太多車，我都係泊住先，如阻到人會駛走。」
麥包的老婆於2014年疑墮炒賣iPhone騙局，他早前入稟索償百萬及向法庭申請禁制令阻滋擾一案，兩夫妻一條心面對困難，互相扶持。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|