麥德羅和唱片宣傳阿佳引爆的武肺傳播鏈，令緊密接觸的女友Apple和歌手施匡翹都「中招」，曾跟四人接觸過的不少台前幕後都趕緊在這兩天做檢測，以防萬一，蘇慧恩昨晚在醫院等候報告，知道結果是呈陰性，她即時如釋重負，蘇慧恩昨晚夜深在FB貼文：「證實沒有確診，大家不用擔心，剛剛從醫院回家，剛才在醫院電話冇電了，要大家擔心，真的不好意思。」蘇慧恩表示都擔心疫情嚴重，這幾天會盡量留在家中避疫。
蘇慧恩飼養了一歲半的布偶貓「白雪雪」，她今日在FB貼出留在家中照顧愛貓的相片，這位貓奴自嘆整天「執金」：「很擔心，不停屙爛屎，一起身見到你又屙，咁樣守喺廁所，好想喊，希望食多兩日藥，你會好番。」網民關心問：「醫生話咩事會咁樣屙?」蘇慧恩回答：「未知。」
問到蘇慧恩可擔心「白雪雪」被感染武肺，她今日回覆《蘋果》時說：「白雪雪之前未試過肚屙，今次係第一次咁屙，我喺14號就帶咗白雪雪去睇醫生，嗰日我本來約咗Apple姐學唱歌，但因為白雪雪病咗要睇醫生，所以再約之後學。噚日知道Apple姐感染咗，我去醫院check嘅時候都好擔心白雪雪有事，同埋有啲朋友話如果我確診嘅話，有機會漁護署會拎走白雪雪隔離，所以好擔心。白雪雪而家食緊抗生素同埋止屙、止嘔藥。我好擔心佢好唔番，呢幾日不停肚屙。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|