與何雁詩保持距離 鄭俊弘勸喻未婚妻留家做直播較安全
何雁詩新歌宣傳人員阿佳昨日確診新冠肺炎，鄭俊弘(Fred)昨天喺TVB做嘢時聽到同事提及，即擔心地致通知，何雁詩反過嚟叫他唔使太緊張，因為最近1次見阿佳係10日前，不過，何雁詩尋晚都即時去咗醫院領取深喉唾液樣本樽，今早吐口水去驗，之後還會再去另一診所做多一次檢測，預計今晚便會有檢測結果。他對未婚妻有信心，相信她應該無事。而Fred喺幾日前同樣做咗檢測，得出結果係陰性。
Fred表示，目前與何雁詩喺家中各自戴上口罩及保持距離，就算有結果後也會繼續隔離。至於可有影響到工作？Fred稱，原定無線有兩個show要錄影，為咗安全冇出席，而下周二嘅《流行經典50年》也停廠：「暫停都係應該嘅，今日有過百宗確診個案，大家要謹慎啲好。」Fred坦言，好多嘢不似預期，包括疫情下宣傳新歌要承擔嘅風險，所以𠵱家都係留喺屋企做直播較好，疫情下都唔建議何雁詩外出做訪問同埋做宣傳，而他都係留喺屋企跳繩，保持做運動。
來源 source: http://hd.stheadline.com
|
鍾意就快D Share啦！
|
|
|