武漢肺炎現時在港正爆發第三波疫情，全港多個地區勻出現不同染疫群組，今日娛樂圈亦驚爆有藝人染疫，現年24歲的女歌手施匡翹不幸中招，而其經理人Apple姐及公司一名宣傳人員共3人確診，同時，Apple姐男友麥德羅亦已確診，以上各人現於隔離病房治療。
其中已證實確診的歌手施匡翹，近半個月以來頻頻出席活動，翻查她在確診的14天潛伏期間，曾多次出席活動及到電台做節目及訪問。前日（16日）才到新城電台為節目《猜情尋》開咪，全程冇戴罩。另外，在本月5日她到觀塘排舞室，為師弟謝高晉數天後舉行的音樂會綵排，雖然疫症當前，但她在接受訪問及影相期間，均沒有戴上口罩。
直到7月8日當晚，施匡翹現身西灣河，為同門師弟謝高晉的慈善演唱會任嘉賓，同台還有藝人蔣嘉瑩及歌手雷深如（J.Arie），而現場約有150名觀眾聽歌。施匡翹除了唱歌外，和現場的工作人員、籃球員及相關人士約數十人在影大合照時，繼續沒有戴上口罩，和其他人頭貼頭近距離接觸表現親暱，恐有播毒之嫌。《蘋果》今日就施匡翹恐傳染武漢肺炎一事，致電和她有緊密接觸的謝高晉，他回覆指自己已做檢查。「其實一知道公司同事病咗，今日都即刻去東區醫院做檢查，都搞咗8、9個鐘，咁而家出咗報告話冇事。」他又希望染病的經理人和施匡翹可以快點康復，又呼籲大家做好防疫措施。至於J.Arie今日亦到醫院進行檢測，她晚上表示醫生指她未有任何武漢肺炎徵狀，所以給予膠樽，叫她明天交回唾液樣本作檢測，下周一、二才有報告。
蔣嘉瑩今日亦回覆傳媒說：「多謝大家關心，呢件事上面公司有幾位朋友陸續確診。我而家同家人一齊去檢查，希望一切順利。頭先出嚟時有少少燒，但姐姐用手摸就話冇事，因為呢幾日都出去做唔同宣傳，去過電台、電視台，希望接觸過我嘅人都去做檢查，希望大家都身體健康啦。」
-----------------------------
打國際線 《蘋果》英文版免費試睇按此下載/更新
來源 source: http://hk.appledaily.com
|
鍾意就快D Share啦！
|
|
|