娛圈在上月中爆出武漢肺炎傳播鏈，當中麥德羅與女友Apple姐、歌手施匡翹等人最先中招，其後與麥德羅接觸頻繁的劉少君也確診；及後新城亦驚現傳播鏈，曾到新城開咪的本地時裝設計師鄧達智（William）亦於上星期確診，在家苦等4日才獲送院，現於聯合醫院的負氣壓房進行治療，而他的同性配偶醫生陳梓欣就要送去火炭駿洋邨隔離。
William現留院已進入第5日，初期由於藥物反應，曾一度發高燒、大腿皮膚變紅、身體乏力及無胃口等，而他昨日已停止打針，《蘋果》今日聯絡他跟進情況，他聲線明顯精神，透露已冇發燒，今朝起身還有胃口煮杯麵進食，情況轉好，他表示：「醫生就話我係無病徵感受，so far我一路都係冇明顯病徵，但係就係感染咗，我入院時候嘅指數係差，雖然唔係話好差，但亦都唔係話好樂觀嘅，所以佢哋要幫我打針，食勁嘅藥，佢哋相信我係好轉。病發到而家，都唔知病發係幾時，但初步確診超過一星期，我都冇咳，冇肺炎過，情況係好好啦。聽日check埋個CT value，知道最新數字後，就決定幾時可以返屋企，陳醫生就今日可以離開火炭嘅隔離營，可以返屋企。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|