2020年8月2日星期日

餵人奶禁食味精難得破戒　楊怡獲羅仲謙親煮邪惡通粉獎勵 #楊怡 #羅仲謙

餵人奶禁食味精難得破戒　楊怡獲羅仲謙親煮邪惡通粉獎勵

楊怡湊女辛苦，羅仲謙識做親自煮餐肉粒通心粉獎勵。

楊怡自從4月誕下囡囡小珍珠（羅翊心）後，一直專心湊女，早前小珍珠滿100日，她更與老公羅仲謙為囡囡花心思在家搞咗個百日宴慶祝。為咗囡囡阿怡真係付出好多，今次佢就貼咗張餐肉粒通心粉相，寫道：「由於要餵人奶的關係，我一直嚴禁自己食有味精的食物，但今晚要破戒了，就獎勵下自己吧」原來呢個邪惡通粉，更係由謙謙親自主理，阿怡hashtag話，「老公知我辛苦親自煮的通心粉#餐肉粒通心粉#媽媽都要任性下#好好味」湊女咁辛苦，間中放吓假都應該嘅！