有時真係仔女都可以救父母一命！
藝人蔡少芬（Ada）喺最新一集內地真人騷《妻子的浪漫旅行》中透露，自己嘅生命係一個奇迹，原來佢曾罹患「僵直性脊椎炎」，不僅好難生育，嚴重嘅話甚至會癱瘓，嚇到同車藝人個個目瞪口呆！
Ada喺節目中忽然自爆，指自己有段時間不能平躺、不能彎腰，起身要轉側身起，有時連呼吸都會痛，點知求醫後醫生告知佢身患絕症，無法治愈，仲會愈嚟愈嚴重，到時會完全郁唔到，甚至要企喺度瞓覺。
當時只係僅新婚4個月嘅佢，突然得知自己生育困難，佢自覺好對唔住老公張晉，問到醫治方法，醫生只拋下幾個字：「喜樂的心是良藥。」要佢開開心心去面對，因此佢就同老公講：「我們不管了，就好好活吧，因為明天是怎麼樣都不知道。」
不過非常好彩，兩年後佢驚喜懷孕，生完之後竟然條腰唔再痛！婦產科醫生同佢講，因為阿女吸收咗佢體內鈣質，「把東西帶走了」，意外令佢痊愈，依家仲有一仔兩女，難怪佢喺鏡頭前大嗌好感恩，連其他嘉賓都驚呼真係奇迹！
來源 source: http://hk.on.cc
|
鍾意就快D Share啦！
|
|
|