- 【無罩染疫吸取教訓】麥德羅確診兩周終出院 喘氣呼籲:記得出街戴口罩
- 1小時前
大半個月前，因為無罩開生日會及演出，結果中招染疫的舞王麥德羅，由上月中開始病發到入院接受隔離，期間呼吸困難，氣若游絲，病情亦一度反覆，日前見到與他合唱後一同受感染的劉少君可以出院，當時仍跟武肺搏鬥的麥德羅，感到能康復回家，如中六合彩般幸運。
今日輪到佢中......「六合彩」喇！終於康復出院的他，拿著出院紙，離開病房，一臉喜上眉梢:「今日好開心，醫生話我無晒病喇，可以出院，啱啱畀醫生出院紙我，喺呢度開心到呢，直頭好似中六合彩咁，原來健康係比財富更可貴。喺呢度多謝呢兩個禮拜照顧我嘅醫護人員，及關心我嘅好朋友，仲有確診嘅朋友，如鄧達智要繼續努力，及所有香港朋友祝身體健康，記得每日出街戴口罩，同埋勤洗手呀！我依家走喇，拜拜！」雖然剛康復的麥德羅，說話仍見氣促，但精神不錯。相信經過呢一仗，他不敢再無罩社交，做回一個負責任的公民。
至於被他傳染的女友Apple姐，及同公司的歌手施匡翹，現身在隔離營觀察。
另一確診的設計師鄧達智，日前送到醫院入住負壓病房，可惜遇上欠公德的同房病人，對方不斷咳嗽仍拒戴口罩，簡直罔顧他人，就算鄧達智向醫院投訴，醫護亦向他警告，那同房病友依然固我，令承受武肺折騰的鄧達智感到無助害怕。
希望鄧達智如麥德羅一樣，盡快打贏仗康復出院。
ChannelNEXT人民學堂：識法大講堂
曾志豪X劉偉聰 同你拆解「港版国安法」
立即收看
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|