在2014年香港回歸七一前夕，謝安琪因為新歌《雞蛋與羔羊》當中歌詞「A餐雞蛋撞石牆 B餐俯首做白羊」而令大家聯想到社會狀況引起共鳴。同年9月，謝安琪現身金鐘示威現場為學生送上毛巾等物資打氣，事後被封為「民主女神」，而她表示是以家長及市民身份到場看學生實況。直到2015年11月，謝安琪被愛港力召集人陳淨心狙擊，指她在雨傘運動期間曾出現在金鐘佔領區，揚言「堅決抵制一切佔中藝人歌手到內地賺人民幣。」結果Kay要取消廣州舉行的大學生音樂節演唱會，同時亦宣佈中國騷延期，難免令人將事件跟政治掛鈎。
到了去年612集會，Kay個人社交網的頭像轉為黑色，似有寓意，不過自從張繼聰被發現其細佬原來是「克警」後，情況便急轉直下，謝安琪未有再為「反送中運動」表態，更被冠「偽黃歌手」身份。今日凌晨時份，有網民在討論區上出POST，表示：「藍奕邦live鬧爆謝安琪係雙面假人，話謝安琪雙面人，14年自己call記者影自己落金鐘派物資，捧自己做民主女神，過去一年冇出過聲，仲講埋佢老公，話明佢兩公婆都唔係咩好人，冇簽周博賢，去咗簽juno就現形，都明嘅。」結果有人留言喪插Kay：「重點係話佢扮完黃做咗民主女神，拎晒光環，但而家就粒聲唔出。」、「有幾多個阿詩、藍奕邦同明哥？表唔表態真係唔係重點，但偽黃同人前發表偉論但現實奶共嘅先係最x討厭！」
其後翻看藍奕邦的IG，昨晚他的確與好友鄧小巧做live，不過內容是圍繞小巧新專輯，兩人一邊飲酒一邊自彈自唱，未有提及與謝安琪有關的事。《蘋果》有為此事向藍奕邦，今早他以短訊回覆《蘋果》：「條片係IG live，live完冇save低，當中冇講過任何名字，冇指明我鬧邊個，大家毋須假設太多。近排新聞令人好沮喪，忍唔住想發洩一下。我亦冇補充喇。多謝。大家都保重。」而阿Kay亦被問到疑被藍奕邦開live鬧爆是「雙面假人」，她以短訊回覆《蘋果》：「我冇乜嘢回應。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|