2020年8月18日星期二

【又整蠱人】當奴勁無奈幫手打完場　少爺占扮倒瀉「奶蓋茶」嚇少女 #少爺占 #甄子康

【又整蠱人】當奴勁無奈幫手打完場　少爺占扮倒瀉「奶蓋茶」嚇少女

少爺占近日又整蠱人，今次對象是一個素人女生。

艾粒（I Love You Boyz）真係好無聊！過去，他們經常於社交網上載惡搞片及相，好似Key自己個樣落女藝人度、翻拍電影《與神同行》、《復仇者聯盟》的「No Cost Cosplay」版預告片等，不過數到最經典，還是二人主持的整人節目《愚樂I love U》系列，當年不少大台藝人都被艾粒玩到氹氹轉，非常爆笑。近日，少爺占又喺IG貼出一段整蠱片，但今次「受害者」只係一個素人，他留言：「作品名稱: 奶蓋是好好味的。」片中，拎住杯「奶蓋茶」的他走向一名女生面前，並謂：「喂，請你飲杯奶蓋茶呀。」語畢便扮晒失手將「奶蓋茶」倒向女生身上，女生梗係嚇到瞇晒眼兼退後不過一秒後獲悉所謂「奶蓋茶」只是塑膠道具，被整女生即刻好冷淡，少爺占執起道具繼續扮驚，場面尷尬，在旁的拍檔當奴都好無奈，唯有講句：「唔該晒，打搞晒。」幫手打完場。