近年屢傳財困的64歲吳剛，多年前轉型做飲食生意及當上「藍店」富臨宴會部總監，他會為客人代購特價餅卡，日前有讀者孫先生向《蘋果》爆料，指吳剛去年9月為他代購34張《陳奕迅Fear and Dreams香港演唱會19/20》門票，每張980元，不過演唱會去年因社會運動問題取消，主辦單位其後陸續在今年4月底前完成全部退款，可是孫先生至今仍未收到吳剛拖欠的33320港元退款，催足半年只得報警求助。吳剛遲遲未還款，4月時自稱在深圳患了武漢肺炎要留院接受治療。
吳剛拖數報道爆出，估不到再有苦主，讀者Kenny今日向《蘋果》爆料今年1月請吳剛代購今年2月舉行的「劉德華2020年My Love紅館演唱會」，主辦單位因為疫情關係在1月26日宣佈取消，主辦單位透明度很高，不停在FB上公佈退款安排，今年6月底已公佈退款申請的處理於今年6月30日完成，有關演唱會退款的查詢熱線將由7月1日起停止服務。不過Kenny經吳剛代購的8張980元門票錢，涉款合共7840元，至今又是仍未退還。根據Kenny提供吳剛收錢後的手寫收據上的日子是1月24日，即演唱會宣佈取消前兩日。
Kenny今日接受《蘋果》電話訪問時說：「我喺活動上認識吳剛，見過兩次，1月時好想訂華仔演唱會，吳剛話可以幫忙，佢仲要唔係黃牛飛，正價又唔收手續費，我就搵佢訂咗8張980元嘅飛，其實有問佢用乜嘢渠道買到飛，佢聲稱自己係演藝人協會會員，可以內部訂購。我於是就信以為真入數畀佢，佢仲手寫收據畀我。我搵佢買飛後，吳剛師父就提出為外母喺廣州醫病，急要5000蚊應急錢，我見佢幫我買飛，朋友互助，我咪入畀佢。不過冇耐佢又短訊嚟，想我再借5000蚊，我就唔肯。佢4月中時仲短訊嚟話可以同我訂張敬軒啲飛，我見佢舊數未清，當然唔搵佢訂喇！」演唱飛錢加5000救急錢，Kenny先後過數12840元給吳剛，吳剛過去半年一直拖字訣不還，同樣都是回覆有事忙未能回港過數，又承諾會給予三千元到五千元不等的利息作補償，當然又是空頭支票未有兌現。Kenny軟硬兼施表示會報警求助，吳剛也是軟皮蛇。就吳剛向外聲稱可以有方法由演藝人協會內部認購演唱會飛，其實該會是助同業解困，對吳剛借該會名義來訛稱可買到演唱會門票，該會發言人表示沒有回應。
及至日前爆出孫先生向吳剛追逾三萬的款項，Kenny表示吳剛選擇性回覆安撫，每次都稱外母病情拖延歸期，要下周回港，但一直無了期未肯還款，情況就如上一個苦主一樣。Kenny遂提出可以找友人在廣州代收錢，吳剛今早卻有新「花臣」，他叫Kenny提供內地銀行戶口，並答應今日內過數。《蘋果》今日聯絡吳剛，但未有回覆。此外，《蘋果》今日再聯絡另一苦主孫先生，他謂報道出街後，吳剛潛水不覆，依舊未還款。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|
