現年37歲、TVB第20期藝員訓練班畢業的陳積榮(Jeff)，哥哥是知名武術指導陳中泰。Jeff昨日突然拍片公開自己患上第四期肺癌，影片一開始便說：「因為呢個病，我開咗一個時間掣，好似死亡筆記話你聽仲有幾多時間。」令人感到一份傍惶無助。
Jeff續說：「對唔住！我嘅朋友，有一個壞消息，我患上第四期肺癌。知道好多朋友都好關心我，所以藉此video，希望公開咁同大家update我嘅近況。」他透露病發開始以為是拉傷肌肉：「六月尾嘅時候，我發覺背脊肌肉痛，起初以為係做gym拉親，之後立即去朋友度做物理治療，一星期後都未見好轉。」最後證實患癌，他哽咽說：「報告結果顯示我左邊下肺出現咗個6x5cm。證實屬於第四期肺癌，因為已經有擴散嘅迹象，醫生話可能得半年(命)。」
除了尋求醫療意見外，Jeff亦希望得到有心人的經濟援助：「一路睇私家醫生，除咗一路使錢之外，同時亦接收到唔同嘅醫治方向，老實講……起初極度迷茫，淨係標靶藥一代二代三代，一代兩萬蚊一個月，三代五六萬蚊一個月，仲未計其他醫療費用，我淨係聽到呢個數字已經沮喪，以我嘅積蓄冇可能承受得到，之前買嘅危疾，醫院加埋做嘅測試，已經冇咗70%，之前買咗十年嘅醫療plan，剛剛上年又完咗，好無助。」
Jeff在TVB拍劇兩、三年都是演閒角，之後過檔HKTV在《惡毒老人同盟》飾演李楓的敗家仔，之後返大陸拍網絡電影，又自資拍三部近乎「零成本」電影，包括《戀愛36D》、《最囧麻花》和《荒島屍變》，並於去年中開始籌備一部自編自導自演電影《訓練班》，內容是讀訓練班的點滴，樂瞳都有留言叫加油。Jeff說：「我聽森美大哥講，一個就死嘅人唔會去後悔自己做過啲乜，而係後悔自己冇做啲乜，哪怕我時間一年、兩年，其實我真係唔怕死，touch wood 我仍然希望活下去，希望走之前都留返一啲嘢。」他感激家人及女朋友的關心和照顧，慨嘆謂：「我完全感受到人生嘅無奈，人命嘅脆弱。」
《蘋果》今日聯絡上Jeff，透露今個星期會開始接受電療，他直言一開始知道患肺癌是難以接受：「真係晴天霹靂，其實我係一個好健康嘅人，唔食煙唔飲酒，一星期打一次籃球同踢波，今次真係上天畀我一個好大嘅考驗。醫生話最壞情況得返半年(命)，但我知心態都好重要，而家我每晚10點就瞓，如果大家有乜療法，例如太極、氣功，我乜都會試，唔會放棄。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|