林盛斌（Bob）不時都在社交網上載他和太太Pearl，還有3女1子的一家六口幸福照，但原來多年來Bob和太太亦有化身當媒人，撮合身邊男女。昨日他在社交網貼上一張寫上「媒人」的圖片，並留言：「都應該係我記錄中最快手嘅一次，星期日介紹，星期二佢哋一齊咗！以後條路就睇你哋，希望你哋幸福快樂。點解我咁鍾意做埋呢d嘢？ 因為，見到身邊人開心，自己都會好開心。」不過就沒有透露撮合成一雙一對的人是誰。
今日Bob回覆傳媒表示，他會保密成功撮合兩位是誰，至於多年來撮合了多少對情人？他笑說：「其實我又冇特別計過撮合咗幾多對，哈哈，一直以嚟我都有做呢啲雞仔媒人，我好鍾意撮合身邊我認為好嘅男仔同女仔，就好似我個風水師陳定幫師傅，佢而家個老婆都係當年我介紹畀佢識。」
當然，有成功亦有失敗，Bob表示：「咁多年總有啲成功，有啲唔成功嘅，成功嘅見到佢哋拍拖甜甜蜜蜜，有時仲會send啲放閃合照畀我，我都好戥佢哋開心！有啲雖然未能夠發展成為情侶，但係如果佢哋都可以做到朋友，我都會覺得好感恩。」
Bob指他每次做「媒人」都會先做功課，了解對方有甚麼要求，無論外在還是內在，然後他在自己認識的名單內挑選認為適合對方的筍盤。他指：「我係真心介紹朋友畀對方識，千祈唔好搞到相睇咁，大家可能會尷尬，所以我喺現場都好似做主持人咁，大家氣氛都係好輕鬆，好融洽，但都好好彩，咁多年大多數成功，例如陳定邦師傅咁，拍拖、結婚、生小朋友，而家已經有兩個女，有個快樂家庭。」問Bob可有叫太太事先幫忙「算一算」？他即指太太收得好貴，所以沒有找她幫忙。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|