- 【孫慧雪藝訓班同學】藝人陳積榮證實患第四期肺癌：醫生話得半年命
- 4小時前
現年37歲、畢業於TVB第20期藝員訓練班的陳積榮（Jeff）拍片自揭患第四期肺癌，同期同學有陳智燊及孫慧雪的Jeff，在藝員訓練班畢業後，雖在大台有劇拍，但大多是飾演無名角色，其後過檔HKTV，在劇集《惡毒老人同盟》中飾演李楓的兒子。
日前，Jeff在片中透露：「一個唔好嘅消息，我確實患上第四期肺癌」。他指今次患病，得到不少朋友幫助：「所以我覺得更加要行出嚟拍呢條片」，說時雙眼通紅並語帶哽咽，更自問：「唔知點解會發生喺我身上」。
他表示由身體出現不適，到證實患上肺癌，不過是兩個月之間的事。
「係好短時間，基本上我6月中開始背脊痛，開頭以為係椎間盤突出，我用最短嘅時間，喺私家醫院做咗幾個test，證實咗我患上第四期肺癌，係一個非小細胞嘅癌症，事前沒有任何徵兆，並已經有擴散跡象」。
Jeff在回覆傳媒時，指醫生向他表示最壞情況下，他只餘半年壽命。
向來有運動習慣的Jeff不單會定期踢波，而且不煙不酒，他說6月前健康良好：「踢波唔覺自己條氣差咗，依家正正喺我個肺嘅左下方，有個大概6cm、卡片大嘅腫瘤」。Jeff又向廣大網民集氣：「可以做到啲咩嘅，請畀意見我」。
由於治療費用高昂，Jeff希望藉此片獲得經濟援助，他說自己積蓄已經所餘無幾：「一路睇私家醫生，除咗一路使錢之外，同時亦接收到唔同嘅醫治方向，老實講起初極度迷惘，淨係標靶藥一代二代三代：一代要兩萬蚊一個月；三代要五六萬蚊一個月，仲未計其他醫療費用，我淨係聽到呢個數字已經沮喪，以我嘅積蓄冇可能承受得到，之前買嘅危疾，醫院加埋做嘅測試，已經冇咗70%，之前買咗十年嘅醫療plan，剛剛上年又完咗，好無助」。
在朋友協助下，Jeff早前透過轉介形式，慶幸找到一位具權威性的癌症科醫生為他診斷：「畀到我好多中肯嘅意見，起碼現在可以明確清晰地知道，暫時現在最適合我的治療方案。」
----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
|
鍾意就快D Share啦！
|
|
|