外型失守
陳文媛(BoBo)唔經唔覺離開咗娛圈十幾年，仔都生埋喇，早前仲過埋41歲生日。咁耐無見，BoBo似乎更有「福氣」，話晒唔使再靠樣搵食，所以任由外型失守，對腳有肉地，肚腩仔亦都好明顯。
外型keep唔到啫，生活水準有升冇跌就得住千呎豪宅，市值逾2000萬。就咁睇，受陳冠希「加持」過嘅人，佢算係少數過得幸福美滿嘅人。
幸福肥
2018年，何韻詩post出久未露面嘅BoBo合照，先至發現BoBo圓潤咗唔少。半年前，本刊發現BoBo同老公帶住一歲多嘅囝囝去公園玩。顯而易見，佢為個仔犧牲咗以前窈窕身形，特別係對腳，著上全黑褲都唔顯瘦，充滿肉感。半年過去，本刊再次見到啱啱過41歲生日嘅BoBo，孖老公行超市，見佢上身衣衫單薄之下，側面睇個身都幾扁幾薄，似乎瘦返啲咁喎。不過向下望，肉腿仍然健在，仲多咗個之前唔發現嘅肚腩仔添。
其實幸福肥嚟啫，BoBo行到邊都有老公拖實，咁幸福怕咩陀多幾兩肉吖。何況，BoBo經歷過唔少感情波折，依家終於安安穩穩，理應值得祝福。
家住2000萬豪宅
2008年陳冠希單嘢影響幾大，大家都知啦，就算當時金融才俊男友金紫耀（前威利國際控股有限公司前董事總經理）唔介意，仲打本畀BoBo開美甲舖做老板娘，但據聞金老太不滿佢嘅過去，所以最後豪門夢碎。BoBo心情低落，透過返教會減壓，就咁識到而家嘅老公。雖然細BoBo三歲，亦只係平凡打工仔，但勝在唔介意BoBo過去，一心一意想同BoBo過人世。
有謂平淡是福，喺大眾眼前幾乎銷聲匿跡嘅BoBo，原來憑同金紫耀拍拖時識落嘅股壇玩家莊友堅，喺對方投資公司擔任要職，又住喺北角老牌樓王雲景台千呎豪宅，市值逾2000萬喎。幸福肥，佢值得擁有。
- 金紫耀曾打本畀BoBo做老板娘。
請即預購《噴火30年壹驚艷 性感女星典藏集》特刊，當年鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。
自取優惠價 港幣$83【按此搶購】
包運費價 港幣$110【按此搶購】
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
