- 【當年賭錢輸身家】車保羅轉行做街市監督 自覺虧欠共患難菲籍妻一個婚禮
- 18小時前
久未露面的車保羅已轉行做街市監督，「收工」後趕到接受苑瓊丹主持的香港開電視節目《開工大吉77》訪問。苑仔與車保羅多年沒聚，一見面開場白就是嫌對方太高，要她「抬頭」傾計。車保羅指現時正職困身，亮相幕前要遷就時間：「而家我做街市監督，返工要著制服、反光衣，唔可以亂咁請假，啲人約我拍嘢都要下午先得！其實都冇咩尷尬，要做咪做囉！由細到大都做過好多行，當年周梁淑儀搵演員，佢地睇中搵我拍戲，拍咗三套之後，覺得好好玩所以入行。」車保羅說當年最風光時期，每日現身不同劇組，但因賭博而失去所有：「當年真係忙到組接組，我大概風光咗十年左右，真係忙到去銀行入錢都冇時間，每日一起身唔係問去邊度開工，而係問朋友收工去邊度玩！不過當年我賭錢，冇做咩投資，最終咩都輸晒。」
- 車保羅入行第一套拍的劇他，是1981年的《IQ成熟》時。
- 17年，參與拍攝ViuTV劇集《詭探》。
- 19年，車保羅拍攝鮮浪潮微電影《老人與狗》。
- 車保羅已轉行做街市監督，「收工」後趕到接受苑瓊丹主持的香港開電視節目《開工大吉77》訪問。
- 車保羅表示當年鍾意賭錢，又不懂投資，所以咩嘢都輸晒。
呃公司『生疱疹』
不過，講到最爆是當年他隱暪公司「秘撈」拍電影，最終被揭發而令事業出現危機：「當年有人搵我拍戲，咁我就呃公司『生疱疹』要去北京醫病，公司梗係畀我走到我拍完返香港，葉蒨文喺機場東面出，我就行西面啦，點知佢見到記者要做訪問，就話剛剛同亞視嘅車保羅拍戲，咁就成件事穿晒。最終都要返公司認錯，結果被扣一個月糧，同時又畀稅局查封啲戶口，我當時心諗真係玩完喇。」因為「講大話」而離開電視圈，其後轉戰影壇，亦因為誠信而令事業跌入谷底：「當時因為冇錢請助手，自己又冇Mark清楚檔期，最終搞到失場，呢啲醜事傳千里，開始冇人搵我，靜咗足足六個月，我都開始諗吓係唔係要轉行先得。」訪問期間車保羅多次提及菲籍妻子，二人生活相當甜蜜，亦掌管車保羅財政大權：「當年我搵佢做鐘點執屋，啲錢周圍擺，佢就提我收好啲錢，我覺得呢個女人唔簡單，開始試吓佢，發現啲錢冇少到，仲要好齊整咁擺好，我對佢都開始動心。後期我經濟唔好，周圍問人借錢，佢幫我記低借咗邊個錢，要還畀邊個咁，所以到今時今日，我都爭佢一個盛大婚禮。」
- 苑仔與車保羅多年沒聚，一見面開場白就是嫌對方太高，要她「抬頭」傾計。
- 想當年，車保羅試過呃公司『生疱疹』要去北京醫，其實是出埠秘撈拍戲。
- 車保羅因為「講大話」而離開電視圈，其後轉戰影壇，亦因為誠信而令事業跌入谷底。
- 92年，他跟曾是其菲籍家傭的Inday結婚，兩人也育有一子吳卓偉。
請即預購《噴火30年壹驚艷 性感女星典藏集》特刊，當年鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。
自取優惠價 港幣$83【按此搶購】
包運費價 港幣$110【按此搶購】
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
