2020年9月25日星期五

帶病開工巧遇發哥蔣家旻即刻成個人醒晒 #周潤發 #發哥 #蔣家旻

帶病開工巧遇發哥蔣家旻即刻成個人醒晒

蔣家旻今日在中環拍攝新劇《換命真相》時巧遇發哥。

國際巨星周潤發（發哥）出名熱愛行山，不少行山友經常「野生捕獲」發哥，他亦樂於跟大家selfie，成了行山界的吉祥物。

不過要「野生捕獲」發哥同撞鬼一樣都好講緣份，蔣家旻今日在社交平台分享《換命真相》劇組與發哥的合照，表示昨日喺中環拍外景前，一直有偏頭痛，唔想靠藥物止痛，唯有痛住開工，加上皮膚敏感，令佢非常唔舒服。幸好拍攝地點附近有皮膚科醫生診所，喺休息時間就去咗睇醫生，期間巧遇發哥，原本又頭痛又皮膚敏感嘅佢，頭痛冇晒，成個人都精神晒，新嘅一樣。