2020年9月12日星期六

80年代花旦難得聚首　鄧萃雯黎美嫻劉美娟傾到雞啄唔斷 #劉美娟 #鄧萃雯 #黎美嫻

80年代花旦難得聚首　鄧萃雯黎美嫻劉美娟傾到雞啄唔斷

劉美娟貼出的難得大合照，左起：劉倩怡、劉美娟、鄧萃雯；張崇德、楊羚和黎美嫻。

鄧萃雯同黎美嫻喺80年代花旦裏面出名老友，不過雯女早前喺社交平台都有分享過原來佢哋中間有試過不和，曾經有好長時間冇聯絡，直至近年先至friend番。不過，原來呢代花旦仲有唔少人保持聯絡，呢日劉美娟就喺社交平台貼出一張集合咗她和鄧萃雯、黎美嫻、楊羚同劉倩怡嘅合照，當中仲有佢老公張崇德同場，佢仲留言：「從前是一起查經一起返教會，完了大家也不想離開，繼續暢談，現在各有家庭又有不同的工作，所以不是經常可以見面，但是每當我們見面又是不想離開，繼續暢談#弟兄姊妹#五女一男#珍惜大家#鄧萃雯#黎美嫻#楊羚#劉倩怡#張崇德」其實除咗劉倩怡係屬於90年代，其他都係80年代大家熟識嘅花旦，但係一齊出現真係好少有，既然難得聚首就梗係傾到雞啄唔斷