2020年9月12日星期六

同老婆撐枱腳晚餐勁豐富　　黃智賢畀網友笑煮得太多 #黃智賢

同老婆撐枱腳晚餐勁豐富　　黃智賢畀網友笑煮得太多

黃智賢同老婆撐枱腳呢份晚餐勁豐富，難怪畀網友笑。

黃智賢（Ben）向來廚藝了得，疫情期間佢更喺社交平台以「快樂廚房」做主題，分享下廚樂趣同烹飪心得，吸引咗唔少粉絲支持，之前仲搵埋好兄弟鄭嘉穎嘅老婆陳凱琳一齊整甜品。呢日Ben又出動，為同太太嘅晚餐落足心機，睇片見到呢晚真係相當豐富，佢留言話：「兩口子晚餐！#當造#無花果#宮崎牛#帶子#三文魚#星期五晚餐#黃智賢快樂廚房」由於份晚餐實在太大碟，搞到網友除了勁羡慕黃太，猛話「做你太太、真係幸福」、「你快樂廚房，黃太更加快樂~」、「哇！米之蓮水準啊！你老婆真幸福」外，仲轉移到佢哋「兩口子」食唔食得晒，「兩口子？真的能吃完嗎？」、「10口子都食得落」、「好正！煮太多了。我過來吃吧！」。