剛剛過去的831 ，有市民在太子站一帶發起示威活動，混亂中有孕婦被警察推跌，要送院治理，事件引起廣泛關注。早在七月尾，一班曾經參與「Woman empowerment 」 的女星，事後全部選擇潛水。最近有網民發起「呼喚女權x」 活動，要求一班女星「找數」，為當日疑被推跌嘅大肚婆發聲。網民更紛紛在她們的個人IG洗版式圍插，直斥呢班女星「女權菠蘿雞」，好似李嘉欣、黎姿、Sammi、劉嘉玲、阿Sa 等等，無一倖免！
何韻詩帶頭暗串
今年7月，網絡上有人發起「號召女性支持女性活動」，一班女星繼而爭住湊熱鬧，一人po 一張黑白相接受「challenge」。事後一向敢言的何韻詩唔怕得罪前輩，在fb 留言:「我們要爭取女權！但只在方便自己的時候。」明顯暗寸呢一班挑戰者，在過去呢一年，從未做過聲援在香港疑受警暴嘅女受害者！
- 早在七月尾，一班曾經參與「Woman empowerment 」 的女星，爭住一人po 一張黑白相。
- 一向敢言的何韻詩唔怕得罪前輩，在fb帶頭暗串。
建制KOL撥火
話口未完! 在剛剛過去的831，在太子站附近的示威活動中，警方驅散人群時，將一名大肚婆推跌。再有女性懷疑受到警方粗暴對待，加上兩位藍血KOL 建制派的陳穎欣和夏泳迦，拍攝短片稱呼受害孕婦做「犯婦人」，火上加油，即刻就撥起網民的怒火，揚言要搵呢班「女權x」出來「找數」！- 在剛剛過去的831，在太子站附近的示威活動中，警方驅散人群時，將一名大肚婆推跌。
一眾星媽首當其衝
首當其衝的正是一班媽媽級的女星，當中包括「最靚CEO 」黎姿， 有網民在她ig 留言質問：「細細粒，出嚟打卡今次唔為女權打卡呀？香港大肚婆等緊你出聲呀」。亦有人質疑她上載黑白相的用意：「淨係識花時間揀張自己最靚嘅相，為推銷自己間美容院？」另一位阿媽級的闊太李嘉欣，一樣被大批網友追問：「支持女權嘅Michelle今次會否為警察撞到嘅婦人表態發聲呢？」而平時積極做善事的女首富甘比一樣走唔甩，被網友直斥「偽女權」！更質問：「呢一年咁多香港女性被警暴，你又有乜睇法，定你選擇性發言呀？」同樣有個五歲囡囡的Gigi 梁詠琪，IG一樣被洗版，有網友寫下一大段文字問：「Gigi，聽聞你之前曾經支持土耳其嘅女權運動，是為了響應於土耳其發生的一宗女子被男友殺害的案件，然而今日在旺角街頭有一名孕婦被警察推跌，身為人母的你，有沒有關注此事，有沒有打算聲援該孕婦？」
Sammi阿Sa被拖落水
啱啱榮升媽咪的周麗淇，當日更乘機分享靚靚大肚相，當然亦有份被追擊。網民留言表示： 「人哋大肚婆有事，你唔出聲嘅？抽水唔係好叻嘅咩？」唔止一班媽咪级的女星被秋後算帳，連天后Sammi 亦成為網友攻擊的對象 。有歌迷對於偶像未有發聲而感到失望：「好失望，我鍾意咗你好多年，點解唔發聲？」、「冇香港唔會有你地呢班所謂嘅明星，今日個個離地到癲，以為自己住喺火星」。至於，在上年「616大遊行」時，曾呼籲市民「飲多啲水」的阿Sa ，當時被大陸網友質疑是「黃絲」，但今次都一樣出事！有網友留言指責：「呢個唔係畀你班人po靚相自戀嘅機會呀！用下個腦」、「好彩鄭中基最後冇同你一齊」。火燒連環船，劉嘉玲亦有份post黑白相，同樣被網民要求「找數」：「阿玲，出嚟發表下，對呢件事嘅睇法！」
- 阿Sa 同樣被拖落水。
邵子風加入戰團
除了網友之外，連經理人邵子風都睇唔過眼，在Fb 出po : 「等呢班維護女權嘅善心女星為大肚婆開一句聲！」隨即引起網民熱烈回應，慨嘆「女權不及警權大」！網友積極呼喚呢一班女星「找數」，不過到現時為止，依然係得唔到回應嘅！在網民心目中，女星們，「光環」就攞咗，聲⋯⋯依然未發！
雖然被批評選擇性發聲，但至少冇出聲撐指鹿為馬，就算係當幫忙
- 經理人邵子風一樣睇唔過眼，在Fb 出po 。
守住新聞自由和你撐計劃每月$300起撐《壹》仔
按此了解更多
壹呼百應號召有心人請香港人睇壹週刊
按此了解更多
-----------------------------
【昔日紙本檔案庫】
30年壹仔經典壹壹重現！
來源 source: http://nextplus.nextmedia.com
|
鍾意就快D Share啦！
|
|
|
