導演陳木勝今日舉殯，多位圈中好友到來跟他告別。曾在2005年，跟陳木勝合作電影《三岔口》的郭富城，當年城城憑該片首度獲封金馬影帝，在影壇上闖出成績及殊榮。離場時城城接受訪問，對於陳木勝離世，城城十分傷心：「同木勝合作嘅所有人都係佢朋友，好難過、好傷心。」
城城還分享大家合作時的點滴，他說：「最記得當日導演話，希望我哋拍一部音樂劇電影，未有落實，大家係想做，木勝係我電影伯樂，好唔捨得佢。」最後他向陳木勝致敬：「你永遠都活在我哋心目中，安息。」城城透露小美早前曾與陳木勝聯絡，對方答應會去看城城近期的新戲《麥路人》首映，可惜未能如願。
與陳木勝識於微時的張家輝，談及好友離世，他說：「我認識陳木勝導演係啱啱入亞視拍劇，佢當時做監製。陳木勝導演俾我感覺係乾淨、健康同有禮，我入行時電影圈大家都豪情啲，但佢就好乾淨，白波鞋成日好乾淨。」
張家輝對陳木勝英年早逝，感慨的說︰「佢今次離開年紀尚輕，好多謝陳木勝導演咁多年為港產片拍咗咁多好作品。正因為咁年輕，我特別難過，就好似老牌品牌，突然唔做或者移民，但耐咗有感情冇得取代。」此時，家輝十分感觸，眼有淚光，十分難過。問他是否近年跟對方沒有合作感到可惜？家輝哽咽地說︰「係。」問家輝是否原本有合作正在洽談中？他無奈點頭，當他平復情緒後，他說：「我想講最好懷念方法係睇佢遺作《怒火》。」
至於減磅後，身形明顯瘦了不少的洪金寶，與陳木勝多次合作，亦師亦友，對於導演英年早逝，洪金寶表示：「好惋惜，諗唔到，我完全唔知佢有病，喺導演過身前10日，我仲諗好耐冇見佢，微信佢約飲茶，點知10日後佢就過咗身。」洪金寶稱讚陳木勝是正人君子，好好先生，無得頂，對他的離世感到非常心痛和可惜。
此外，導演林超賢跟陳木勝合作過一次，他說︰「佢第一部電影我做製片，但之後佢拍嘅戲，係我好鍾意嘅電影，好似啲警匪動作片，我都會睇晒嚟參詳，喺一啲場合見面，又會向佢請教。」至於英皇老闆楊受成傷心離開，見到傳媒即合十，當被問到阿嬌情況怎樣時？他在保鑣護送下，急步上車離開。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
