2020年9月8日星期二

出名玩味重MV扮鬼扮馬　野佬爆成員個個都鍾意演戲 #野佬

出名玩味重MV扮鬼扮馬　野佬爆成員個個都鍾意演戲

野佬5位成員接受Edmond訪問，（左起）阿銘、小胡、何兆基（Chris）、 Wilson及阿康。

J2節目《我們的音樂時代》日前主持許文軒（Edmond）邀請樂隊Yellow！野佬擔任嘉賓，野佬被外界定為「玩味重」的樂隊，其音樂作品更具「情色」成份。成員阿銘解釋：「要追索返填詞人陳詠謙合作嗰排，係佢提議我哋唱呢類歌，佢話呢啲寫都冇理由畀周柏豪，佢話啱我哋，其實我就最驚青咁唱，初初有啲擔心，不過其他成員就話我哋又唔係真係唱鹹濕歌，只不過係玩，估唔到出咗街之後，反應又好好。」

談到樂隊大部份歌曲MV都「扮鬼扮馬」，主音小胡說：「我哋個個都鍾意演戲，但係又冇人搵我哋做戲，咁咪自己喺MV裏面做。其實我哋有諗過做啲型嘅歌曲，但係唔知點解出到嚟都係搞笑，以為阿康加入可以提高隊Band顏值同型啲，點知佢都Kai埋。」