周庭(左2)今晚擺街站時被警方票控違反禁聚令。
因應新冠肺炎疫情，政府收緊禁聚令至2人，即使係請願都冇得豁免。近來有唔少政界人士喺請願期間都被指違反禁聚令而遭票控，有官司在身嘅前香港眾志常委周庭，今晚（7日）同油尖旺區議員何富榮，喺佐敦港鐵站外擺設街站期間，被10多名警員拉起橙色膠帶包圍，最後遭票控罰款。
周庭同何富榮一行6人今晚喺佐敦擺設街站，反對政府推行「港版健康碼」同埋全民檢測，就喺街站接近完結時，有十多名警員到場包圍，並拉起橙色膠帶作封鎖線搜查，包括登記佢哋嘅資料。最後警方指，周庭同其他擺街站嘅人士違反禁聚令，向佢哋發出《預防及控制疾病（禁止羣組聚集）規例》（第599G章）告票。
周庭喺上月初，因被指涉嫌勾結外國或境外勢力危害國家安全，違反《港區國安法》被捕，在扣查逾24小時後獲保釋。
來源 source: http://hk.on.cc
|
鍾意就快D Share啦！
|
|
|
