前商台DJ蘇耀宗（細So）被踢爆背妻出軌，偷食女主角練美施（Macy）今晚接受《蘋果》獨家訪問。她在訪問中，詳細交代她和細So的感情瓜葛。訪問中，Macy多次強調和細So這段出軌孽緣一開始便是錯，可是往後越愛越深，越錯越難以自拔，結果導致一發不可收拾的地步。訪問其間，Macy一度爆喊，更暗示自己為細So做人工流產手術，而她亦就感染HPV給老公一事而感到抱歉。
做人工流產手術 細So不知情
Macy在逾30分鐘的電話訪問中，她多次表示：「我知道呢件事係錯嘅，亦都覺得對唔住。」對於今次因朋友看不過眼，為她抱不平爆大鑊，Macy堅稱事前不知道，如果得知必定會阻止。Macy受訪時，提到「身體唔止一次受過傷害」，問到她受到甚麼傷害時，Macy隱晦地表示：「可能要做過手術，唔止一次嘅手術，咁……除咗你話因為子宮頸嘅問題要做一個切割嘅手術啦，連蘇生都唔知道嘅，係我事後先至同我朋友講到……因為我有幾日係消失咗，消失咗嗰樣嘢其實蘇生都知道嘅，佢有同我朋友溝通過，當然係咩事佢唔係好清楚，我唔係好想講係咩事，我唔想再有任何揣測或再攞一啲證據出嚟，我相信因為朋友真係好唔開心，見到我亦都好唔開心，咁我本身身體又真係唔好嘅，可能見到我又喊又瘦又唔食飯，日日就喺度好似……唔知做乜咁樣。」
記者追問Macy是否曾為細So墮胎？她默認：「唔想提。做子宮手術嘅事，係朋友同先生知，其他手術只有我知，朋友都係事後先知，冇其他人知。」是否細So都唔知她墮胎？Macy表示：「唔回應。」
主動斬纜男方死纏
講到斬纜的決定，Macy覺得「要去狠心啲去做一個決定」，她亦有向細So提議先分開一段時間：「去到我同佢太太（蘇太）講之前，其實我都已經冇乜點覆，我都有同佢講過如果你放唔低嘅，不如我哋冷靜一下先，一個月也好，諗清楚可能唔係你想像中咁樣。」與細So糾纏不清，她曾寄一本寫下她對細So感覺的簿給對方，分手後欲取回，有朋友做中間人做聯絡，但細So稱已棄掉，Macy指自己情緒崩潰：「我唔可以講話我冇錯，但係喺嗰一刻，我自己個人嘅情緒都真係崩潰喇，係真係想消失嗰種，因為覺得喺呢段關係裏面suffer咗好多，雖然係錯嘅，成件事一開始係錯，但係喺入面我付出嘅嘢全部都係真心，亦都從冇怪過佢，有啲乜嘢做得唔好，唔係淨係佢錯，我自己都有責任。」Macy決定搵蘇太，因為認為對方才能叫停細So，Macy說：「我同佢太太講咗，叫佢放低我，喺嗰段期間就算我唔覆佢，佢都會搵我，我一見到佢嘅訊息啲情緒就會嚟。」
問Macy信不信細So真心愛她，她「遊花園」無直接回答，講到得性病，她指自己與老公有定期驗身，肯定不關老公事，但問到她與細So是否因病而分開，她說：「係當中所有唔開心嘅嘢，無論係病定係其他身體傷害，仲有其他嘅傷害。我朋友係見證住呢一切，我當中真係想走過好多次，我都認我係心軟嘅，都真係有講過好多次不如放低啦。」
稱已獲丈夫原諒
提到Macy的婚姻狀況，她坦言未離婚，但與丈夫的關係，在與細So一起前已經在「協調」，Macy強調並非因細So介入致令她與丈夫的關係有變，而她與細So分手後，亦沒有特別向丈夫提及，Macy形容丈夫是「一名好先生及好爸爸」，又指丈夫已原諒了她，並表示會站在她身邊。問到會否與丈夫重修舊好，她稱因為涉及私人事，不欲提太多，也不想一向低調的丈夫要再承受其他的事。
問到為何勇敢認自己是第三者：「其實由新聞出到而家，我都有諗點平息呢件事，唔係平息我嘅錯，而係唔想帶嚟更加多嘅傷害，大家都有大家想保護嘅人，可能報料嘅人未必想保護我，但我有想保護嘅人，我屋企人、朋友、對方。」問到最後有沒有甚麼想和細So說，她說：「我冇諗過呢樣嘢，我諗過去嘅兩年半，我所做過或我嘅為人，佢應該好清楚，如果我要做呢一樣（引爆偷食事件），我唔需要呢一刻先做，我明白有啲位係會去到冇理智，我嘅選擇係面對呢件事，我會坦白交代要交代嘅人，我唔知對方點交代呢件事，所以我一直都冇為自己解說一啲事，因為怕對方嘅版本同我唔一樣，我只係希望呢件事平息。」
「愛一個人便會信他」
講到激動處，Macy聲淚俱下表示：「其實我真係唔係……大家諗嗰種嘅……可能當係玩嘅態度去對待呢一段關係，就算呢段關係開始係唔啱，但係我對待呢個人係……真係認真嘅！咁而我喺關係裏面嘅時候，無論有幾多唔好嘅嘢出現咗，可能我都相信佢對我係真嘅。咁所以受咗咁多傷害之後，點解我都會堅持到去咁耐，係因為每一次佢都會同我講，佢真係唔會離開……你當我嗰輪真係信囉，佢講嘅任何嘢，就算我身邊知道嘅朋友，都講根本冇可能嘅嘢點解你會信？但我最尾都揀信囉，因為我覺得，你真係愛一個人嘅時候，你會真係相信嘅，因為如果你唔信嘅時候，所有嘢都係冇意義。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|