移居加拿大多年的李婉華，面對香港在過去一年的巨變，曾經多次表態支持香港人，不過在上月底，婉華有份參與的《住加女人》FB專頁忽然寫上：「婉華心累了，需要休息。想好新的方向，重新再出發。 」其後婉華回覆《蘋果》表示：「真的唔係壓力，會改變一個方式再出發。真的累了要休息。小朋友返學要準備。謝謝你，不用擔心。」小休過後，婉華終於重新出發，繼日前在FB開「李婉華專頁ANITA LEE CHANNEL」後，今早拍了一條短片在YouTube新開的Channel「移加李婉華」播放。
在短片中，婉華興奮地表示很開心終於有自己的平台，除了加拿大的資訊外，仍然會緊貼香港的資訊：「其實有好多題材我自己都未試過，如果大家想睇啲乜嘢，記住留言話俾我知，我會盡量滿足大家。希望大家多多支持我，如果我嘅YouTube Channel嘅訂閱超過4000個subscriber嘅話，我就會表演唱歌，我而家開始練歌，希望可以快啲唱俾你哋聽喇。」
婉華在去年因為在加拿大中文電台主持節目《小心華之里》上，播放了港人抗爭歌《願榮光歸香港》而遭電台打壓，最終電台在今年5月以改革為由，將婉華主持了15年的《小心》結束，其後婉華在YouTube開Channel繼續為港人發聲，日前婉華接受商台節目《903號訪》重提此事，她說：「係咪因為呢樣嘢？我真係唔敢講，要人哋先知道，每一樣嘢都會有完結嘅時候，當然嗰個完結係完得好突然，但總會有呢一日。」
事情發展至今，已經超過3個月，婉華坦言仍為節目被終結而耿耿於懷：「嗰個感受仲係好深，嗰個節目做咗太耐，我一直都好畀心機，同呢度嘅華人聽眾建立咗關係，梗係難受。嗰陣呢首歌啱啱推出，有一個好靚嘅MV版，之後我又睇到《New York Times》介紹呢首歌，話係由一個好後生嘅作曲家Thomas寫出嚟，仲話呢首歌喺香港好受歡迎，一上架已經有過百萬點擊率，我俾呢個news吸引咗，所以咪不如介紹俾觀眾聽。」她續說：「嗰陣都未有手足喺商場唱，公司又冇話係禁歌，香港亦都冇話係禁歌，我見商台有播，港台都有播。之後我有啲港台朋友話，因為我播咗之後就禁播咗，完全冇人話我知係禁歌，純粹係因為首歌好先會播，於是個後果，我要承受。」
其後婉華轉戰網絡世界，在YouTube開channel：「我唔係一個時事評論員，只不過係從心講啲內心嘅說話，我淨係話支持香港人，因為，我係香港人。我明白年輕人嘅心態，明白佢哋嘅苦。網絡世界的確好自由，可以暢所欲言，如果你哋想知多啲加拿大資訊，我好樂意提供，我做到啲乜嘢都會盡量做，但係我絕對唔係前線抗爭者，我可以講自己係一個和理非，但係我願意說你講：『我係同你同行。』」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|