有些人在婚姻中總有風浪，情路崎嶇不平，受不了外界誘惑，另一轉捩點是婚外情。商台前DJ蘇耀宗（細So）被踢爆背妻出軌，前年偷食KOL「阿B」，二人孽緣直至今年6月才結束，阿B更發現自己染上HPV病毒，由於偷食女角身份成謎，不少網民化身偵探「緝B」，令車泳希及熊仔頭女神阿Bie誤中副車，昨晚Macy接受《蘋果》獨家專訪，爆喊暗示自己為細So做人工流產手術，她亦就感染HPV給老公一事而感到抱歉，事後Macy形容丈夫是「一名好先生及好爸爸」，並承認已原諒了她。
Macy老公王生眼見太太飽受輿論壓力，今日他透過《蘋果》回應此事：「其實我太太真係好好，我成日都同病人講佢無缺點，做事工作湊小朋友都做得好好，但份人太簡單，好易信人，我太太同對方開始時，我都有同佢講過，唔好太相信對方，呢一切都唔係真心。」
Macy老公王生亦維護着太太及家人：「佢只係太易相信人，人哋對自己好就覺得係真心，只係將份真心交錯咗畀人，但無論如何，事情過去咗，我覺得佢勇敢面對，錯咗自己肯認，而且有決心離開錯嘅人，亦立刻離開咗網上世界，我見到佢已經好有誠意，希望大家都保護返我哋。」
對於老公開腔撐自己，Macy好感動，她指老公一向是低調的人，「首先要同佢講對唔住，亦都好感謝佢一路以嚟都清楚成件事，仍然繼續守候去等我睇清楚所有嘢，往後嘅嘢我唔想再交代，因為大家都唔知發生咩事，只可以話佢一直企喺我身邊，當佢見到新聞出咗，佢都決定同我一齊去面對，我哋都會繼續努力去面對。」據知Macy與老公王生年齡相差20年，而Ｍacy剛在周一（31號）踏入35歲生日，未想到卻揭出這段不倫戀「贈興」。
問及王生是否收到惡意訊息，Macy指這些訊息都是別人慰問她老公的心情，覺得替他不值，覺得「他老婆係咁」之類，Macy凌晨跟老公聊到4點，兩公婆亦有共識，她續道：「我剛才一直同先生傾，因為佢都收到msg，一啲msg，佢想有少少嘢回應返，因為佢真係平時唔出聲，怕醜嘅，但佢話一直以嚟佢有啲說話都係咁同病人講，咁當佢收到有啲熟嘅病人同佢msg嘅時候，佢就話唔想逐個回應再延伸件事，因為唔想再有人傷害到我，噚晚我哋傾到4點。」《蘋果》記者今早10點幾，曾到Macy老公王生的工作地點視察，Macy稱老公的醫館今日休息，她老公一星期放假3日。
另外，不少網民發現細So相當努力，用了一晚時間把自己IG的留言刪剩一個，只保留回應婚外情報道向太太及家人的post。未知是否痛定思痛，希望重新出發。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|