台灣第57屆金馬獎大後日在台北國父紀念館舉行，是在疫情下少有的實體頒獎禮。不過出席人士都要在台灣進行14日隔離，令不少藝人卻步，好像憑《手捲煙》挑戰金馬影帝的林家棟，因此未能參加頒獎禮。不過導演黃修平、新人霍嘉豪同白靈就選擇親身到台灣參與盛事。對於14日隔離期他們都以不同方法解悶。
黃修平憑《狂舞派3》入圍最佳改編劇本等獎，而同劇的霍嘉豪角逐新人獎。黃修平在昨天完成隔離，他接受《蘋果》訪問時笑言，出關只不過是同酒店，換過另一間房而已，他笑說︰「喺松山區隔離14日，酒店房非常大同景色好靚，氣氛同窗外景緻種種夾埋，其實都好chill。食物亦都好豐富，可以自己點三餐，亦都好美味。」黃修平話由於份量多，所以到後來減到一日一餐已經夠。他透露政府有關部門每日都會致電詢問狀況，亦送來飲品跟食物，可惜自己無福消受，他說︰「呢14日都係不停寫最新劇本，準備交畀金馬創投sell故仔。基本上每日不停咁寫，人生原來唔係好多時間，即使困住你14日，冇其他引誘都係做唔晒。所以放監當日，連出街吸一啖新鮮空氣都係冇，要做好手頭上嘅嘢。」他亦早有準備帶同了Switch的《健身環大冒險》遊戲同行，保持適當運動量。
另外，白靈憑陳果導演的《墮胎師》問鼎金馬影后，她在14日的隔離中日日在網上喊悶，她形容隔離的日子就是「瞓醒起身，起身瞓覺，時間過得好慢好慢，似隻龜，行一步都好難。」在酒店房無所事事白靈每日都在玩自拍放上網，而且越着越少。昨日她於終完成隔離後，拍了一條跳舞片娛賓。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|