「性感女神」張曦雯今日以紅色Tubedress，在銅鑼灣出席活動，吸引市民駐足圍觀，不過張曦雯未有戴口罩，她表示不擔心人多，因大家都有戴口罩。
張曦雯已差不多有一年沒有出席活動，她笑言不敢要求加薪，「而家咁少Job，唔敢加價，唔係淨係睇錢，可以出嚟活動同大家見下面，着得靚靚，咁樣係好難得。」提到下月的聖誕節，張曦雯透露或者要為新劇開工，屆時其混血兒男友Mark Brunyez可能會飛去新加坡與家人過節，她說：「開劇冇得請假，所以我鼓勵佢飛，或者買份禮物畀佢。」
此外，對於有報道指馮盈盈踢走張曦雯，成為舊老闆「殼王」陳國強新寵，張曦雯指一直以來，這是不實報道，「我明白娛樂圈點都會有娛樂新聞，我會當笑話睇，當花邊新聞，對我冇影響，女仔喺呢行賺錢嘅能力都好犀利，我覺得女仔努力賺錢係去買心頭好，唔一定係靠男人去買。」她坦言與殻王見面，只在每年無綫台慶和頒獎禮，她沒好氣笑說：「寫到我都過咗氣，其實盈盈都好努力去工作，我相信佢有能力支持自己，唔一定有男人送畀佢，反而我男朋友睇到會好大壓力，之前我同佢未公開（戀情）嘅時候，我都有同佢講我有咩新聞，啲人話我男朋友係大富豪，佢嘅反應好搞笑，佢話啲人知道我唔係富豪嘅話，大家會唔會好失望，佢話會努力啲做富豪。」
談到玩大富翁遊戲，張曦雯表示由細到大都學到投資的概念，「因為我細佬仲讀緊書，我都要養家，所以我賺到嘅錢都會send晒過美國畀嗲哋媽咪投資，喺美國有個小物業收租，我努力工作嘅動力，都係想嗲哋媽咪生活舒服開心。」由於香港的樓價太高，所以她暫時未有在港置業的打算。會否要求Mark送樓？她笑說：「佢唔係大富翁，佢富有係喺心靈上，我靠自己。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|