【成功埋堆】學會帶眼識人 江嘉敏晒千億女友郭嘉文慶生相
本月4日26歲生日嘅江嘉敏，今年嘅生日願望揚言係要帶眼識人，果然坐言起行，江嘉敏昨晚喺社交網站大晒獲李澤楷千億女友郭嘉文為她慶生相，同場還有有米姊妹鄺潔楹和林凱恩，三人喺豪宅內跟她食好西補祝生日，雖然生日聚會遲嚟咗兩個星期，但有心都唔怕遲，好姊妹仲設局玩「停電」送上驚喜，認真有心，江嘉敏有班咁高質嘅新朋友，同樣被指拜金嘅過氣閨密馮盈盈即被out，冇得留低。
相中四女頭貼頭合照好鬼friend，看來江嘉敏和她們嘅友誼突飛猛進！成功埋堆，捧着蛋糕嘅江嘉敏超開心，笑到四萬咁口留言：「謝謝你們突如其來停電驚喜！其實心裏極度興奮的，但是我人還泡在停電一事，腦裏在想是不是有人忘交電費了，所以表現得異常冷靜。但我想說，我心是不斷激烈的跳動！多謝你們幾個傻傻的妃子們和小男友。」江嘉敏仲補充特別寫道：「次次約親都有人要早走，次次約親第二日都係返0600，最真心真意對待身邊每一個。」最尾一句又再次掟骨，睇嚟江嘉敏真心嬲喎！
來源 source: http://hd.stheadline.com
|
鍾意就快D Share啦！
|
|
|