今年9月，林曉峰同康子妮驚爆離婚，結束18 年婚姻。沉澱了兩個月，阿Lo 日前終於收拾心情開工，更表示已經適應寡佬生活，他說：「人去到呢個年紀，其實真係要諗下跟住要點樣呢？就係想自己開心，咁如果而家呢個選擇，係大家開心，咁好難得喎！」
另一邊廂，康子妮搣甩人妻身分後，加入了保險界，極速成為top sales ，最近更奪得公司業績奬。日前，一身女強人打扮的她，約了外甥女，即係林珊珊女兒西瓜去歎下午茶。早前有傳因為離婚一事，康子妮激嬲了林家上下，尤其是林珊珊。不過，當日《壹仔》見西瓜同過氣舅母十分投契，關係似乎冇變！
夜會保險猛人
離婚消息爆出之後，康子妮無辜被傳與已婚黃翊密往，不過當事人已堅決否認。最近又有傳媒影到康子妮夜會保險界猛人Garry。事後康子妮解釋兩人只是上司同下屬關係。而阿Lo 日前都被目擊，相約一名貌似康子妮的中女撐枱腳。傳聞層出不窮，阿Lo 亦一於少理，更表示：「做媒體嘅唔咁寫，又冇咁多野寫落去，咁我好理解佢哋會創作好多唔同嘅故事，好多唔同版本。如果你唔寫咁多野，改咁多野，搵鬼睇咩！」- 今年9月，林曉峰同康子妮宣佈離婚，18年婚姻玩完。
- 最近又有傳媒影到康子妮夜會保險界猛人Garry，不過她事後強調大家只是上司與下屬關係，亦是當年的大學同學。。
- 康子妮加入了保險界後，極速成為top sales，最近更奪得公司業績奬。
約外甥女西瓜歎茶
堅稱「冇仇冇恨」，康子妮同林曉峰離婚筱時不時會合體。大仔林寶同細仔林熙分別都在9月生日，一家四口齊齊慶祝，事後更在IG曬溫馨合照，果然係「再見亦是朋友」！日前《壹仔》又發現康子妮相約姨甥女西瓜食下午茶。雖然已經是過氣舅母，但康子妮同西瓜關係依舊咁密切。兩個全程雞啄唔斷，更有講有笑。期間西瓜更藝術家上身，拎住相機四圍影。當日康子妮悉心打扮，身穿一條千鳥格連身裙，化了淡妝，配乾濕褸，手上更拎住一部iPad，一身行政人員look。傾完心事，西瓜陪舅母去截的士。臨走時，二人更互攬一下，依依不捨。
為囝囝摶命搵錢
據知，康子妮一直希望能夠送囝囝去外國讀書。為了儲彈藥，離婚後，康子妮摶命搵錢。殺入保險界一個月，已經奪得「毅力奬」。最近再下一城，獲得「最佳業積奬」。除了做保險top sales ，康子妮亦好多瓣數，好似做和音、KOL、美容師等等。至於，因為疫情停工一段時間的林曉峰，最近亦都蒲頭，開始接job，為Viu tv節目做主持。一對前夫妻目標一致，為兩個仔將來努力！康子妮亦終於可以放低人妻包袱，專心在職埸為理想打拼，正如阿Lo 所說：「原來兩個人喺埋一齊，依家睇返就係，我哋咁樣嘅身份，大家有呢個距離，係會開心架喎！」
- 康子妮一直希望能夠送囝囝去外國讀書，最近努力搵錢。
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|