今晚歌手張敬軒於紅館舉行「張敬軒X香港中樂團盛樂演唱會」，歌手吳浩康於晚上6時許已到達紅館準備入場。
戴上口罩的吳浩康表示，因為怕人多所以特別提早到場。問到可是因為擔心疫情問題？吳浩康表示：「多少一定有啦。」記者發現吳浩康臉上的口罩疑似為一般防花粉口罩，吳浩康表示：「其實我有問過，呢啲口罩合乎規格。」
自疫情以來，睇騷似乎已經成為回憶，吳浩康表示指自己亦好耐冇睇騷，「其實都戥軒仔擔心，驚要取消。」第四波疫情似乎有再爆發的趨勢，部份軒仔的歌迷曾要求取消今次的演唱會，對此吳浩康表示：「其實都好難取捨，軒仔要籌備呢個騷，又要面對呢個咁特殊嘅情況，都幻想到有幾大壓力，所以我要嚟支持。」
大會表示，今晚入場人數6,000人，《蘋果》在開騷前進行街訪，其中鍾意了軒仔3年的李小姐、張小姐、歐小姐，早於上年購票，早前被通知換票時亦不覺麻煩，加上座位比原先購買的好。問到她們有無擔心疫情，她們坦言：「其實有少少擔心嘅，自己全程戴口罩及唔飲食，亦贊成軒仔唔好握手。」對於有網民建議應取消演出，她們認為：「都係睇返個疫情，如果好嚴重，取消都冇辦法，但係每日都會睇返公佈（確診）數字。」3位歌迷又表示曾擔心演唱會會被取消。
至於另一名歌迷麥小姐，已喜歡了軒仔7、8年，問到軒仔取消上年個唱，她表示「都冇辦法」。講到疫情第四波似已到來，每日的確診數字又上升，麥小姐坦言：「自己有啲擔心，但知道軒仔同工作人員做足防疫措施，我都相信會係好安全。自己喺場內都會戴好個口罩，大會都會係門外幫大家量度體溫，自己入到場都唔會除口罩。」麥小姐又指，因為自己會睇4場，都擔心之後的場次可能會被取消，但就覺得「仲有機會（繼續開）」。至於座位方面，她表示換票後有好有唔好：「經fans club買嗰啲位就會好啲。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|