對喊聲好反感 新手爸爸羅力威疑患產後抑鬱
雨僑於8月時為羅力威誕下女兒約彌（Harper），夫婦在女兒出世前經已決定事事親力親為，不請家傭及陪月幫忙。繼雨僑在囡囡100日慶祝貼長文道盡新手媽媽辛酸但又幸福後，羅力威昨晚也貼長文分享他這個新手爸爸的辛酸故事。
貼上跟女兒的甜蜜溫馨照，羅力威留言：「每隔幾個鐘醒一醒，次次唔定時同唔知搞幾耐，永遠無收工。」幾經辛苦後，他表示女兒兩個多月經已戒掉夜奶，每晚可以一覺瞓到天光，終於不用開夜班。
羅力威自言有少許產後抑鬱，原因是老婆告知他，他也理解當中情況：「對喊聲好反感，同唔理智既（嘅）人（BB）溝通唔到既（嘅）時候，而你無地方發洩，因為你連鬧交都無對手，而咁簡單既食奶訓（瞓）覺道理點解唔明。」
即使多辛酸，羅力威感激親人從旁協助、家中的琴任由他發洩及貓仔又乖又聽話，讓他安心過來。最後他總結：「唔好覺得湊B感到沮喪失敗，因為最後見到個B望住你笑，也就是場仗大獲全勝之時。」他為所有爸爸們加油打氣。
雨僑亦有貼文留言關心老公：「一段時間我真係好驚佢有産後抑鬱，因為bb嘈到佢要走落樓下呆企踱步，心煩失眠脾氣暴躁，由最溫柔最細心的人，變得照顧唔到人兼照顧唔到自己。其實爸爸對於屋企突然多咗個bb，都係一個幾大嘅轉變，需要時間適應，好在慢慢地bb戒夜奶，夜晚有番連續嘅一覺好重要，有休息就好好多。」
來源 source: http://hd.stheadline.com
|
鍾意就快D Share啦！
|
|
|