- 逆市進軍飲食界︳老公負責試味 苑瓊丹投資千萬搞即食餸包
- 5小時前
瓣數多多的苑瓊丹，剛完成香港開電視節目《開工大吉77》後，隨即投資七位數字進軍飲食業，大量生產即食餸包，期望成為圈中「食神」，她說：「其實都係靠拍檔教路，我覺得香港父母都好忙，收工又要煮餸真係辛苦嘅，所以就提出即食餸包呢個概念，點知大家一拍即合，咁咪膽粗粗投資囉！其實我唔識煮嘢食，但我識食好嘢，所以我負責品質管理，唔好食我唔會比佢賣。」苑仔表示，每晚與老公黃乃揚都是過著「粗茶淡飯」的生活，因為家中的工人姐姐完全唔識煮餸，她說：「老公話過邊個餸好食，佢就晚晚煮，食足成星期都係同一個餸，難得老公竟然冇投訴照食！因為呢個工人姐姐好錫狗，所以我又唔會炒佢，但係咁唔係辦法嘛，所以買啲即食餸包看門口，老公就話既然係咁，做咩唔自己投資？依家咪慳番啲買餸錢，又可以比老公食餐好。」
雖然苑仔不參與烹調工作，但她笑指「臨老」做苦力，隨時化身做「包裝妹」、「外賣妹」：「人工好貴啊，有大訂單都未必夠同事返工，所以自己頂硬上，幫手入吓餸、抽真空咁囉！第一次上嚟開工，同事都以為我搞搞震，見我真係落手落腳做，先信我唔係得個講字！好多朋友知道我做呢樣生意，都畀面幫襯買好多，咁我就親自送貨多謝人」苑仔講笑話享受賺錢過程，歡迎任何人約她投資：「我冇乜錢咋，但想搵錢就真嘅，依家晚晚用餸包開飯，叫老公順手試味比意見，不過佢死都唔肯出鏡幫手做宣傳，佢話我做『食神』，我就話佢係『賭神』夠晒神秘！我啲性格唔可以停㗎，呢排疫情又少咗外地拍戲工作，咪圍埋度橋搵錢囉。」
- 苑仔表示，每晚與老公黃乃揚都是過著「粗茶淡飯」的生活，因為家中的工人姐姐完全唔識煮餸，現在晚晚用餸包開飯，叫老公順手試味比意見。
- 老公黃乃揚有份提議苑仔投資即食餸包。
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|