變得咁快？
有「狂野空姐」之稱嘅落選港姐廖慧儀是非多多，本身有圈外男友Sam嘅佢，早前被指撻着無綫節目《#後生仔傾吓偈》嘅23歲孔德賢（Danny），Sam嬲到喺社交網公開「警告」Danny唔好再搵自己女友。廖慧儀當日接受東網訪問時表示同男友仲拍緊拖，對方只係飲醉咗，而Sam就話對女朋友百分百信任，一切都係自己亂諗。
點知事隔10日，Sam今日凌晨突然喺社交網發文自爆被狠飛：「同你一齊呢一年半，大大小小傷心嘅事我都陪你經歷過，喺你有低潮困難嘅時候，我從來冇離開過你身邊，而點會（解）你要咁樣對我，去報答我一年半對你嘅所有付出？我一直當你係一家人，點解要選擇因為一啲小問題而突然狠心離開我，係咪因為入咗娛樂圈擴闊咗眼界，回頭看所有嘢覺得我甚麼都不是？」佢又隨文附上一張兩人互咬食物甜蜜照，不過之後佢已將Post刪走！
另邊廂，廖慧儀尋晚就上載單人瑜伽照，尋日仲同男女朋友去行山，露出甜美笑容，心情似乎相當好，不過佢嘅社交網已刪走所有同Sam嘅合照。東網聯絡上Sam，問到廖慧儀以咩理由提出分手？分手導火線係咪同孔德賢有關？有冇人一腳踏兩船？佢只係話：「無可奉告。」另外，Sam又話一直希望挽回呢段感情，但覺得好難，加上對方唔會咁！至於有冇私下同孔德賢聯絡？佢就話三人私底下冇見面。
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
來源 source: http://hk.on.cc
|
鍾意就快D Share啦！
|
|
|