有指廖慧儀經常與「後生仔」孔德賢約會，搞到正印男友嬲爆發火！
每年港姐競選必定爆出候選佳麗是是非非，今屆有「狂野空姐」之稱嘅廖慧儀由初選至比賽日話題不斷，先被爆腰間有紋身，又被網民直指係姣精，成為追擊對象，而廖慧儀男友Sam護花心切，曾出面為女友護航。雖然最終五強止步，但無綫與廖慧儀簽約，順利入行成為藝人。
近日爆出24歲廖慧儀搭上無綫節目《#後生仔傾吓偈》嘅23歲孔德賢（Danny），疑似二人對話截圖曝光，除咗見到兩人不時約會食飯，Danny做埋司機接送，仲以「Bae（寶貝）」稱呼廖慧儀，搞到正印Sam嬲到喺社交網公開Tag Danny，「警告」對方唔好再搵自己女友。
其實兩個星期前，Sam已發文表示情緒崩潰：「2020自2月起，壞消息不斷，整個人經常有鬱悶，壓抑感很重，了解許多事情你也沒有控制權，嚴重喘不過氣的感覺，精神狀態也很差，腦海每分每秒也不停在想事情，如果這樣會如何，那麼又會如何，發惡夢（噩夢），睡眠質素變差最基本，一直保持太正面積極，到頭來反而會情緒崩潰，難處困境，到最後始終其實只有自己面對。」
廖慧儀接受東網訪問，佢表示同男友仲拍緊拖：「佢（男友）飲醉咗，誤會嚟。（男友係咪仲好嬲？）冇嘢喇，已經解決。（少啲見Danny避嫌？）都唔會，我哋係好朋友，佢（指Sam）依家明白咗，唔會介意。」東網聯絡上Sam，佢表示：「我們感情很好，他們兩個沒有交往，只是普通朋友，我對女朋友百分百信任。」問到有冇介意同擔心？佢就話：「他們只是普通朋友產生懷疑是我問題，他們對話截圖只是正常交談，我對女朋友百分百信任，她不會做任何對不起我的事。」另外，兩人喺社交網上載限時動態，只兩人一齊去商場行街街，睇嚟想以行動嚟粉碎情變傳聞。
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
來源 source: http://hk.on.cc
|
鍾意就快D Share啦！
|
|
|