廖慧儀分手事件，網友食晒花生！
今屆落選港姐廖慧儀，由參選到依家選完是非都未停過，風頭仲勁過冠軍謝嘉怡！繼早前佢舊愛Sam發表分手文自爆被狠飛「點解你要咁對我」，搞到網友都覺得Sam好慘，更直覺分手一事同《#後生仔傾吓偈》嘅孔德賢（Danny）有關，不過廖慧儀就冇公開承認分手，連日來仲上載笑晒嘅照片，心情一啲都冇受影響。
事隔9日，廖慧儀表示社交網被hack說：「密碼改幾多次都無用，原來一直仲偷用緊我Email。跟蹤威脅恐嚇性騷擾，當街偷我電話跑走、捕我落堂、炸我Whatsapp，講粗口鬧我唔去見你，全日打幾百個電話畀我打到我電話無電，出Post說我不是話要畀世人公審我，我被人罵唔緊要，呢啲人都係互不相識嘅人，佢哋根本唔知件事嘅來龍去脈，但唔好事後同我講個Post唔係自己出，係Account被人Hack咗再搵朋友食死貓，扮到事不關己，扮呀妹扮朋友搵我，日日都玩跳樓，你要搞清楚，呢啲唔係愛嘅表現。」
佢再指其實成件事可以報警處理，佢再作出警告叫對方唔好再騷擾佢：「你要嘅解決方法我已經一早做咗，相已經DEL咗，唔該你唔好再騷我打搞（擾）我、我朋友同我屋企人，其實好多嘢已經可以報警處理，但諗吓點解我被你騷擾咗一個月我都無咁做。點解？我一路被陌生人人身攻擊，我都無出聲，成件事如果你係受害者，呢個唔係你最想要同埋最好嘅結尾咩？」而廖慧儀舊愛Sam就上載兩張行山相，未知是否用行山療情傷？
對於廖慧儀稱有人「跟蹤威脅性騷擾」，Sam全盤否認曾性騷擾對方，指同女友分手後，曾復合一至兩日，但未幾再分手，為箍煲只用「甜言蜜語」而已。佢話見女方態度絕情，感到痛不欲生外，承認有打過幾百個電話，由於女方封鎖佢嘅通訊方法，故透過親朋嘅電話致電對方想說明一切。
Sam解釋「跟蹤」一事，話分手後因見女方對佢態度唔錯，令佢以為感情有轉機，故製造驚喜，喺女方不知情下，接送女方去教瑜伽班，但最後去錯地方，並搵對方問清楚位置。佢承認分手後曾有輕生念頭，但堅稱唔係以此嚟威脅女方。
至於廖慧儀稱佢個人社交帳戶不斷被入侵，指有人偷用其電郵，Sam只係話尋晚因想處理佢哋共同開設的短片頻道，所以先登入女方嘅電郵外，又話雙方同居達一年半，更指有日女方說很掛住佢，但同日晚上就玩失蹤，跟緋聞男友孔德賢去行街睇戲。
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
來源 source: http://hk.on.cc
|
鍾意就快D Share啦！
|
|
|