一個人唔使怕？！
今日係一年一度嘅「雙11」，除咗要上網掃平貨，仲係屬於單身一族嘅光棍節，藝人們都有唔少「一支公」嘅時候，做過一啲好難忘嘅事，等佢哋同大家慢慢分享朱晨麗：「最難忘係當初一個人嚟香港讀書，因為未認識到朋友，可以話做咩都係自己一個，例如獨自返屋企、食飯、搭車⋯等等。諗番起所有朋友都鴞上海，又掛住屋企，有時都難免傷感，覺得寂寞，好彩後來好快就識到新朋友，跟住就有人陪，做乜都唔使自己一個喇。」
廖慧儀：「幾年前試過自己一個去韓國旅行，雖然只係2日，但係個感覺真係幾lonely，因為咁啱係聖誕節，見到人哋都係一雙一對，感覺就更加lonely，但係一個人旅行都係好好嘅經驗，感覺會主動啲去識當地，將來都會再一個人去旅行，會去遠啲可能歐洲。」
喺《愛．回家之開心速遞》飾演大學生嘅葉蒨文：「喺英國讀書嘅時候，經常都自己一個人去唱K，自己一個人可以唱2、3個鐘，都幾享受獨處嘅時間。」
蘇慧恩：「我試過一個人去唱K，讀書時期好鍾意唱歌，屋企又冇得唱卡啦OK，所以當時我一個星期會自己去1至2日唱K，可以練歌，我一個人可以唱幾個鐘，唱完就返屋企食飯。」
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
來源 source: http://hk.on.cc
|
鍾意就快D Share啦！
|
|
|