廖慧儀真係有「現身」《東華》～
藝人廖慧儀舊愛Sam輕生，廖慧儀即遭無綫暫定手頭工作，原定現身無綫慈善節目《歡樂滿東華2020》，聯同伍允龍、羅浩銘、何浩文、何泳芍、何佩珉等，為已錄影的表演功夫環節打氣。不過於表演的錄影片段中，負責舞動大旗的她，鏡頭未被刪剪，繼續有得留低。
有份表演該環節的藝人何泳芍（Honey）開心順利完成表演：「始終個表演環節有一定危險性，練習咗2、3星期，要傷嘅都傷晒。」問到有否關心廖慧儀？她坦言：「大家係拍檔，當然有關心，佢需要啲空間，我同佢講叫佢照顧好自己，表演就交畀我哋去處理，唔使擔心，佢都練習咗好耐。（係咪怕佢失手拖累大家，所以唔需要嚟表演？）佢有份表演，佢有錄影，怕佢心情問題，睇佢個人意願，但佢so far OK，見佢冇乜嘢。（發生事件之後有見過佢？）係尋日錄影，始終有危險性同有火。（有冇同佢傾偈？）冇特別傾，畀啲空間佢，知佢好多嘢煩，但佢表現得好好，冇影響水準。（指佢好多幕前工作都有變？）我唔知道，係公司安排，佢自己都未必知。大家冇乜傾，集中喺表演上。」
截止至晚上11時，所籌得的善款數字為95,679,320。
來源 source: http://hk.on.cc
|
鍾意就快D Share啦！
|
|
|
