最近《全民造星Ⅲ》熱播，成為茶餘飯後的話題，節目出街後，其中A隊隊員麥詠楠(Buber)，一雙極大眼睛，被指與電影《銃夢：戰鬥天使》的女主角Alita有九成相似。這位其貌不揚的女演員，曾參演ViuTV劇集《黑市》，及電影《哪一天我們會飛》的「趙學而年輕版」，演出經驗豐富。
今年28歲麥詠楠(Buber)，12年在修讀的表演課程畢業後，便一直從事幕前工作，曾參加很多舞台劇演出，在平面和電視廣告，也看見她的蹤影。不過無論在幕前出現過多少次，觀眾都未能說得出其名字，直至參加《全民造星3》，這位中泰混血兒才令人留下印象。Buber說 :「因為之前有睇《全民造星》I和II，我覺得一世人，無論如何都要參加一次真人騷，我有呢個決心！我有位演員朋友，之前也曾經參加《造星》，自己真係好想為演員爭一口氣，覺得演員絕對係一粒星，所以都想以呢個身份，喺舞台上有所貢獻！」
她說自己入行多年，常被誤會是新晉演員而感到無奈。Buber續說:「令我繼續堅持落去原因，第一就係自己好鍾意，否則無可能堅持，因為生活真係唔容易，另外最重要係，我知道冇咗呢樣野我自己乜嘢都唔係，所以我堅持向住呢個方向發展，我相信自己能夠因為演戲發光，覺得人生真係要揾一樣自己好鍾意又享受嘅事情去做。」能夠做到自己喜歡嘅工作，即使未有太多人認識，Buber從不認為自己是懷才不遇。「我唔會太諗呢個問題，只會覺得係機會未到，但我係有本事！」
18歲已經拍廣告入行，十年光景，Buber坦言在圈中見過不少勢利的人，她分享曾經遇上的一件事。「幾年前曾經客串一套電影，好少戲份，只得一句對白，然後化妝師見到我就話:『你唔使補妝，只係路人甲乙丙！』可能對方想話我係閒角，即係好似想中傷你，但又好婉轉，遇到呢啲情況，我多數只會聽完就算，唔太理會。」作為演員，Buber還有一個很明確的目標：「就係做到八十歲，有冇獎攞，有冇人識，知名度高低，對我來講只係bonus，我只希望一直做到老，因為演戲好好玩，好享受。」
Buber的樣貌，不少觀眾都說她像動物和大眼精靈，當事人不介意被取笑之餘，還有同感。「大家都會覺得我比較似卡通，即係比較cutie。例如有人會話我好似阿凡達、深海魚，我都覺得自己好似深海魚。另外仲有伊藤潤二的女主角Alita，好多呢一類嘅嘢，仲有《閃靈》女主角，呢啲我自己都覺得好似，感覺好得意。」
----------------------------
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
|
鍾意就快D Share啦！
|
|
|
