2020年12月7日星期一

女友梁諾妍陪慶祝 37歲牛一　洪永城俾吳若希追問：係咪結婚啦 #吳若希 #梁諾妍 #洪永城

女友梁諾妍陪慶祝 37歲牛一　洪永城俾吳若希追問：係咪結婚啦

Tony同吳若希嘅互動真係好鬼搞笑。

噚日（12月6日）係洪永城（Tony）37歲牛一，同居女友梁諾妍（Inez）當然有同佢慶祝，仲專登訂造咗個近排Tony好鍾意打嘅手機遊戲《灌籃高手》嘅主角「櫻木花道」造型嘅生日蛋糕送畀佢，Tony當然冧豬好自然喺社交平台度公開多謝身邊每一位朋友，當中梗有Inez份呢個時候竟然引起啱啱生完第二胎嘅吳若希注意，追問Tony：「係咪結婚？」Tony回應：「😏😏😏😏 一定會話俾你知嘅」吳若希仲咬住唔放，再話：「happy birthday😂 生日禮物係生仔秘方～有需要call何生😊」搞到Tony只好以emoji「😏😏😏 👍👍👍」回覆，認真搞鬼。