2020年12月7日星期一

【又到聖誕】恨同靚湯情侶檔狂搵真銀馬國明搜尋聖誕禮物冧女友 #馬國明

【又到聖誕】恨同靚湯情侶檔狂搵真銀馬國明搜尋聖誕禮物冧女友

喺疫情下馬明出席商場活動，講到出口話好想同靚湯情侶檔，喺黃金檔期搵真銀。

疫情第四波來勢洶洶，馬國明今日在銅鑼灣進行商場活動，過往不時出席商場騷賺真銀的他，坦言因疫情影響無可避免會減少，但有獲邀參與網上廣告，幸好近排亦不停拍新劇《白色強人2》，聖誕節也不能放假，因為要趕在3,4月前完成香港戲份拍攝，之後便到深圳拍攝，屆時需要隔離14日。

至於可有廣告商邀請他與女友湯洛雯以情侶檔參與聖誕節及除夕活動？他無任歡迎：「有就最好，我唔抗拒，未試過呀！睇吓有冇第一單不過疫情第四波爆發前，經理人曾透露有人詢問酬勞價錢，但活動有冇取消就冇再問」提到和女友湯洛雯（靚湯）拍拖後首次渡聖誕節及除夕，馬國明笑言現正搜尋聖誕禮物送給對方，睇中物品嘅款式，原來香港冇貨，所以要再搜尋。他說：「𠵱家仲諗緊，睇吓可唔可以托人買或者揀第二樣送囉！不過我會揀實用嘅用品，可以成日用到。」

對於疫情持續，近日確診人數破百宗，他表示近日以廠景為主，暫時只有主要演員參演，人數較少會安全，而且工作人員均戴上口罩，所以很放心：「𠵱家未牽涉有大場面，如果有臨時演員參與，相信監製安排稍後先會拍。原本套劇會去瑞士取景拍攝，監製仲決定緊會唔會改地點。」馬國明坦言會小心，但覺得冇辦法，每日感染人數過百宗，在網上查閱「中招」大廈，發現梗有一間在附近，只能做好自己戴口罩及洗手。