套套劇都提人哋個名…原來…
藝人張振朗、蔡思貝在將軍澳電視城宣傳劇集《踩過界II》。張振朗與蔡思貝劇中的「惡心」床戲終於出街，他笑謂沒想過外界反應這麼轟烈，有人讚好、有人覺得搞笑，但最喜歡是聽到有人說這場戲夠惡心，代表有效果，他笑說：「對住思貝冇咩，只係對住佢棚哨牙覺得核突啫，但係拍呢場戲好緊張，唔敢亂郁。（女友有冇睇？）有，佢都覺得好過癮。」蔡思貝則笑謂可以出租假牙，友情價$10一晚。張振朗直言：「唔好喇，最討厭棚假牙。」蔡思貝又提議若劇集成績好，想將假牙攞出來拍賣做慈善，張振朗則笑謂也將劇中假腳攞出來拍賣。
講到觀眾留意張振朗由《反黑路人甲》到《踩過界II》，經常提起日本AV女優三上悠亞，張振朗則解釋說：「其實都係跟劇本講，唔知係監製定編劇喜歡，呢個名唔少男觀眾應該幾熟悉，所以聽到有咁多反應。」
來源 source: http://hk.on.cc
|
鍾意就快D Share啦！
|
|
|
