有「絕世好老公」之稱的陳豪，出席台慶當晚，全台200 個藝員「無罩」通場走，唯獨陳豪堅持戴住口罩，防疫意識好高，扺讚！
私底下，陳豪都絕不掉以輕心！日前，《壹仔》見到陳豪、陳茵媺，帶住4歲孻女Camilla ，出動去開餐。一埋位，Aimee 就準備濕紙巾、消毒噴霧。唔止消毒雙手，陳豪連餐巾都消毒，夠晒安全，就正如他所說：「數字低咗唔代表可以鬆懈，要小心防範。因為唔係一個人嘅事，係有連帶性，真係唔好掉以輕心。」第4 波疫情剎到埋身，市民真係要做足防疫措施呀！
- 上個月的台慶夜，全台200 藝員同台，只有陳豪戴上口罩。
全台藝員檢測
自「武漢肺炎」爆發之後，大台近一年繼續無休止運作，劇照拍、廠照開，大騷一樣照搞！好似上月底舉行的台慶，全台200 個藝員齊齊出動，個個無罩同台，又傾偈，又自拍，令人憂慮出現「台慶群組」。點知話口未完，其中一個出席的藝人蕭正楠就因為拍攝飲食節目，曾經接觸過確診者，要入隔離營。結果全台藝員要接受病毒測試，好彩全部係陰性。
- 陳豪連接受訪問都戴住口罩，防疫意識甚高。
陳豪堅持戴罩
在台慶當晚，身為大台一哥的陳豪非常堅持，全程戴住口罩，只有影相同出鏡時先除低，驚覺性好高！事後他解釋話：「尋日嘅安全問題上係有啲擔心，我明白係啲妝嘅問題，所以唔戴，但我覺得可以犧牲少少個樣換來安全好啲! 」屋企有老婆，同三個寶貝仔女，陳豪當然唔可以將病菌帶返屋企。
- 一入餐廳，陳豪即刻用消毒噴霧清潔雙手。
- 陳豪夫婦掛住傾偈，Camilla 就畫公仔自娛。
- 4歲孻女Camilla 笑容甜美，愈大愈似陳茵媺。
- Camilla 人仔細細不知幾好胃口，全程不停食。
- 離開時，陳茵媺手上有拎住橙色紙袋，似乎又去Hermes 掃貨。
開餐前消毒
日前《壹仔》見到陳豪一收工，就趕住陪老婆同阿女開餐。坐低後，Aimee 即刻遞上濕紙巾俾老公消毒。直到食物上枱，陳豪先除低口罩。當日孻女Camilla 難得可以撇甩兩個哥哥，獨霸daddy 媽咪，全程開籠雀，不停用英文大聲說話。Aimee 唯有拎出畫紙同筆，Camilla 便乖乖畫公仔。現場所見，Camilla 完全冇公主病，全程肯自己飲水，又肯自己食嘢。開完餐，一家三口準備離開，Aimee 手上又拎住個橙色紙袋，似乎又去Hermès 掃完貨。
- 陳豪是一家五口的經濟支柱，疫市下仍然穩賺千萬，絕對係疫市奇「爸」！
陳豪多瓣數
疫市之下，Aimee 買包包依然唔手軟，因為有個疫市奇「爸」做後盾。上年成功用3000 萬同大台續約，陳豪是全台最高薪藝人。今年就算只拍了《陀槍師姊2021 》同《白色強人2》兩套劇，但陳豪簽的是包薪經理人約，一樣個個月有糧出。加上他一直深受客戶同廣告商歡迎，疫市之下依然年賺過千萬。除了演藝事業，他更投資咖啡店，上個月，同金牌監製戚其義合股的甜品店又正式開張。投資咁多瓣數，都係為了給老婆仔女，過最高質的生活！
----------------------------
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|