武漢肺炎肆虐，TVB早前接連有員工確診，為謹慎起見，叫部份同事接受檢測。馬國明正為新劇《白色強人2》開工，今日抽空到皇室堡出席活動搵外快，近日疫情單日過百，馬國明特別小心做好防疫，並笑說：「邊區都有確診，梗有一間喺左近，只可以自己做好衞生。」
聖誕除夕將至，過往大台必定趁機推情侶檔藝人搵錢，馬國明和女友湯洛雯形象正面，早被客戶睇中問價，馬國明希望情侶檔上陣，並說：「有就最好，未試過，睇吓有冇第一單，但今年就真係唔知，我哋肯去，驚冇人搞活動。」
今年藝人工作大幅下跌，馬國明亦不例外，出騷收入減少：「各行各業都有影響，好彩我一直有拍劇同網上工作，感覺係冇停留到。」馬國明和女友湯洛雯今年會度過拍拖後首個聖誕，他已貼心甜蜜準備禮物：「搵緊聖誕禮物，本來網上睇中一樣禮物，但香港冇，或者要托朋友帶返嚟又或改買第二樣嘢。」馬國明故作神祕未肯透露禮物是甚麼，但絕對是實用又特別。
此外，近來不少朋友結婚生小朋友，馬國明透露被催婚，不過他想在工作上多賺錢，希望將來結婚可以養起另一半，笑指希望大家不要太着重他的婚事。
言下之意即是叫女友湯洛雯第時可以繞埋雙手做少奶奶！
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|