陳樂榣（Ally）投資百萬的珠寶店細舖搬大舖，今天邀請一班圈中好友包括黃婉曼、郭秀雲、陳潔玲（Christy）與黎燕珊等擔任模特兒，為銅鑼灣千呎新店主持開幕禮。
Christy男友Victor也有到場，不時為女友拍照。提到早前跟鍾舒漫的生意糾紛，鬧到將小額錢債審裁處，並於下周二（22日）開庭，Christy今天在活動上道出事件的來龍去脈。她指鍾舒漫投資其生意，最後想退出，一時要錢、一時又想要貨，彈出彈入令她煩擾，加上鍾的妹妹鍾舒祺，曾向她粗口大罵1小時，令事件發酵。問到她有否被追討事件影響心情？Christy說：「冇乜特別，只係怕嗰日唔知醒，因為要9點鐘到，到時都係雙方傾吓偈，協調吓有冇解決方案，我傾向解決件事。今日都會向對方提出方案，睇吓佢同唔同意。」
她又指爭拗的只是數萬元，屬少數目，心情也不會緊張，不過一心希望和解的她，當提到鍾舒祺代姐出頭時，Christy的男友Victor指她精神不穩，Christy終忍不住再度開火：「有時講任何嘢最好有證據，不如話我阿媽係處女！咁大個人講嘢用吓個腦，要負責任，影響我嘅聲譽係其次，亂講嘢會影響到自己，好不負責任。」
老闆娘Ally帶同5歲半囡囡到場，她笑稱今次投資過百萬，連囡囡的嫁妝也動用了，故囡囡也是股東之一，她笑說：「佢都有幫手㗎，會叫人消毒，仲會sell客，攞鏡畀客人同畀意見，希望將來可以發大啲，得一個女，佢都會繼承，所以佢都唔畀我再生，見我個肚凸少少就一拳打落嚟，因為佢乜都想要晒，哈哈。」而她指現時環境不明朗，不過經營珠寶生意已經7年，幸身邊有很多貴人出現，加上看風水後師傅指新舖很旺，明年更將有奇蹟出現，為她壯膽。
至於黃婉曼的餐廳早前懷疑多人食物中毒，婉曼回應說：「懷疑係啲蛋，我哋而家已經停晒有蛋嘅食物，我都有一個個打電話畀佢哋（不適的客人），啲客仲安慰返我，對我有信心。喺呢個時候，我亦都已經叫晒台前幕後所有嘅員工，10幾20人去做檢測，確保健康。」婉曼指食物中毒事件後，對生意沒有太大影響，不過限聚令下卻少了4成生意，她笑稱聖誕節也會叫自己餐廳的外賣。
另外，黎燕珊指當空姐的囡囡幸運仍然保住工作，不過疫情下不是經常飛，故她專登安排她在自己的新頻道清談節目中亮相，希望為囡囡開拓新的路線；而郭秀雲則繼續為環保出力，最近發現油塘區的化學物士敏土（水泥）太接近民居與海洋，有嚴重污染問題，她正與政府部門開會研究並望盡快解決污染問題。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|